site
stats
کھیل

پاکستان کپ، پنجاب اورخیبرپختونخوا کل فائنل میں مد مقابل

فیصل آباد : پاکستان کپ ون ڈے ٹورنامنٹ کا فائنل کل پنجاب اور خیبرپختون خوا کی ٹیموں کے درمیان فیصل آباد کے اقبال اسٹیڈیم میں کل دوپہر تین بجے کھیلا جائے گا۔

تفصیلات کے مطابق پاکستان کپ ون ڈے ٹورنامنٹ کا چیمپئن کون ہوگا، فیصلے کی گھڑی آگئی۔ پنجاب اور کے پی کے نے پاکستان کپ ون ڈے ٹورنامنٹ کے فائنل میں انٹری دے دی۔

یونس خان نے تنازعہ حل ہونے کے بعد فیصل آباد میں ٹیم کو جوائن کرلیا ہے۔ فائنل میں اسٹار بیٹسمین کے پی کے ٹیم کی قیادت کریں گے۔

خیبرپختونخوا کی ٹیم نے لیگ راؤنڈ میں چار میچز کھیلے۔ تین جیتے۔ اسلام آباد کے خلاف ٹیم ناکام رہی۔ ادھر پنجاب کی ٹیم نے اہم معرکے میں سندھ کو زیرکرتے ہوئے فائنل تک رسائی حاصل کرلی۔

لیگ راؤنڈ میں خیبرپختونخوا نے پنجاب کو سنسنی خیز مقابلے کے بعد صرف دو رنز سے شکست دی تھی۔ دونوں ٹیموں کے درمیان فائنل اتوار کی دوپہر تین بجے شروع ہوگا۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top