فیصل آباد:لاپتا بچی مل گئی، دکان دار نے بے ہوش کیا -
The news is by your side.

Advertisement

فیصل آباد:لاپتا بچی مل گئی، دکان دار نے بے ہوش کیا

فیصل آباد:شہر میں  ٹاٹا بازار سے پیر کی شام لاپتا ہونے والی10 سالہ بچی خدیجہ تھانہ بٹالہ کالونی کے قریب فٹ پاتھ سے مل گئی,بچی نے بیان دیا ہے کہ دکان دار نے سر پر کوئی چیز مار کر بے ہوش کیا۔

ٹاٹا بازار گنیش ملز کے رہائشی محنت کش رفیق کی چوتھی جماعت کی طالبہ بیٹی خدیجہ پیر کی شام ٹیوشن پڑھ کر گھر واپس جاتے ہوئے لاپتا ہو گئی تھی ۔ خدیجہ پراسرار گمشدگی کے بعد چار گھنٹے بعد ستیانہ روڈ پر پہنچ گئی جہاں تاجروں نے اس کے اسکول بیگ میں موجود کاپی سے فون نمبر لے کر اس کے والدین کو بلا کر خدیجہ کو ان کے حوالے کر دیا۔

 اے آر وائی نیوز سے گفتگو کرتے ہوئے خوف زدہ بچی خدیجہ کا کہنا تھا ٹیوشن سے واپسی پر گھر کے قریب اکبر کی دکان میں چیز لینے گئی تو دکان دار نے اس کے سر پر کسی سخت چیز کا وار کر کے اسے بے ہوش کر دیا ۔ جب اسے ہوش آیا تو وہ فوارہ چوک کے قریب فٹ پاتھ پر پڑی تھی ۔ تھانہ بٹالہ کالونی پولیس نے خدیجہ اور اس کے والدین کے بیان قلم بند کرنے کے بعد رات گئے تک مبینہ ملزم دکان دار کے خلاف کوئی کارروائی نہیں کی تھی۔

Comments

comments

یہ بھی پڑھیں