The news is by your side.

Advertisement

فیصل آباد: اسپتال سے دو نومولود جڑواں بچیوں کا اغوا

فیصل آباد: جنرل اسپتال غلام محمد آباد سے دو نومولود جڑواں بچیاں اغوا کرلی گئیں، اے آر وائی نیوز نے اغوا کار خاتون کی بچیاں لے جانے کی سی سی ٹی وی فوٹیج حاصل کرلی۔

اسپتال ذرائع کے مطابق لیہ کی رہائشی کرن شہزادی نے فیصل آباد کے گورنمنٹ جنرل اسپتال میں دو جڑواں بچیوں کو جنم دیا، پیدائش کے بعد ایک خاتون خود کو بچیوں کی پھوپھی ظاہر کرتی رہیں اور انہیں ڈاکٹر کو چیک کروانے کا بہانے بناکر کمرے سے باہر لے کر فرار ہوگئی۔

واقعے کے بعد ایس ایچ او تھانہ غلام محمد آباد رائے آفتاب نے ایکشن لیا اور فوری طور پر نومولود بچیوں کی بازیابی کے لئے ٹیم تشکیل دی، چند گھنٹوں کی تحقیقات اور ویڈیو شواہد کے نتیجے میں پولیس نے بچیوں کو بازیاب کرالیا۔

پولیس کے مطابق بچیوں کو سدھوپورہ میں چھاپےکےدوران بازیاب کرایا گیا، اس دوران کرائے کےگھر میں مقیم اغوا کار دوخواتین سمیت چار افراد کو گرفتار کیا گیا ہے، بازیاب کرائی گئی دونوں بچیاں والدین کے حوالے کر دی گئیں۔

یہ بھی پڑھیں: دلخراش واقعہ: چھ سالہ بچی مبینہ زیادتی کے بعد قتل

اے آر وائی نیوز نے نومولود بچیوں کے مبینہ اغوا کی فوٹیج حاصل تھی، فوٹیج میں ملزمہ دونوں بچیوں کو گود میں اٹھا کر لے جاتی نظر آرہی ہے، اغواکار خاتون نے بچیوں کو اپنی چادر میں چھپا رکھا ہے اور اپنا چہرہ بھی چادر سے چھپانے کی کوشش کر رہی ہے۔

اس سے قبل گذشتہ ماہ کراچی میں بھی نجی اسپتال سے نومولود بچے کو اغوا کرنے کا واقعہ رپورٹ ہوا تھا۔

Comments

یہ بھی پڑھیں