فیصل آباد: ۔تشدد اور جنسی ہراسگی کا شکار طالبہ خدیجہ کا کہنا ہے کہ دانش سے صلح نہیں ہوئی ، مقدمات لڑ رہی ہوں، میڈیا میری سپورٹ کرے۔
ATTENTION: Video circulating on internet is my old video which was created by through blackmailing by #SheikhDanish, I am still stand on my stance that all the culprits involved should be punished : #Khadija (Victim)#JusticeForKhadija #FaisalabadIncident pic.twitter.com/xoO339Izzw
— Showbiz & News (@ShowbizAndNewz) August 19, 2022
تفصیلات کے مطابق فیصل آباد میں تشدد اور جنسی ہراسگی کا شکار ہونے والی طالبہ خدیجہ کا ویڈیو بیان وائرل ہوگیا۔
خدیجہ نے ویڈیو بیان میں کہا کہ دانش سے صلح نہیں ہوئی،مقدمات لڑرہی ہوں۔
متاثرہ طالبہ نے اپیل کی کہ میڈیا میری سپورٹ کرے، ان مجرموں کو سزا دلائیں گے۔
طالبہ کا مزید کہنا تھا کہ سوشل میڈیا پر میری ایک پرانی ویڈیو چلائی جا رہی ہے ، وہ ویڈیو ملزمہ انا نے بنوائی ، علم نہیں کیا مقصد تھا۔
یاد رہے فیصل آباد کے علاقے یونیورسٹی ٹاون سے ملزمان خدیجہ کو اغوا کر کے گھر لے گئے اور بہیمانہ تشدد کرکے جنسی طور پر ہراساں کیا گیا۔
پولیس حکام کا کہنا ہے کہ ملزمان نے طالبہ پر بہیمانہ تشدد کیا اور بال بھی کاٹ دیئے۔
پولیس نے بتایا کہ ملزمان طالبہ پر انسانیت سوزتشددکی ویڈیو بھی بناتے رہے۔
واقعے کا مقدمہ تھانہ ویمن میں 6 نامزد اور 10 نامعلوم ملزمان کیخلاف درج کیا گیا ہے۔
متاثرہ طالبہ کی مدعیت میں مقدمے میں 10دفعات شامل کی گئی ہیں۔
تفتیشی حکام کے مطابق ملزمان میں 2خواتین بھی شامل ہیں جبکہ تمام ملزمان فرارہیں۔
متاثرہ طالبہ نے بتایا کہ ملزم دانش نے شادی سے انکار پر مجھےاور بھائی حسن کو اغوا کیا اور دانش جنسی ہراساں کرتے ہوئے ویڈیو بناتا رہا۔
طالبہ کے مطابق ملزم نے10لاکھ روپے نہ دینے پر ویڈیو وائرل کی دھمکی دی۔
