The news is by your side.

Advertisement

بے نامی اکاؤنٹس : نیب نوٹس ملنے پر غریب ٹیچر دل کا دورہ پڑنے سے ہلاک

ٹھٹھہ : بے نامی اکاؤنٹس کے سلسلے میں تفتیش کیلئے غریب اسکول ٹیچر نیب کی جانب سے نوٹس ملنے کے بعد دل کا دورہ پڑنے سے ہلاک ہوگیا، متوفی کے بھائی کا کہنا ہے ہمارا ان بینک اکاؤنٹس سے کوئی تعلق نہیں، بلاوجہ گھسیٹا جارہا ہے۔

تفصیلات کے مطابق بے نامی اکاؤنٹس کے الزام میں نیب کی تحقیقات کے بعد اسکول ٹیچر دل کادورہ پڑنے سے انتقال کرگیا۔ ٹھٹھہ کے رہائشی غریب اسکول ٹیچر فہیم احمد کو قومی احتساب بیورو کی جانب سے نوٹس موصول ہوا تھا۔

اس حوالے سے ذرائع کا کہنا ہے کہ ٹھٹھہ کے خاندان کے دادو میں بینک اکاؤنٹس سے کروڑوں روپے کی ٹرانزیکشن کی گئی تھی، جس پر نیب حکام حرکت میں آگئے۔

اس سلسلے میں متوفی فہیم احمد کے بھائی شیراز کھیڑو نے میڈیا کو بتایا کہ ہم غریب لوگ ہیں، میں پرائیویٹ سیکیورٹی گارڈ ہوں بھائی ٹیچر تھا، ہم بلاوجہ پیشیاں بھگت رہے ہیں، شیراز کھیڑو کا کہنا تھا کہ ہمیں نہیں پتہ کہ اکاؤنٹ کس نے اور کیوں کھولے، ہمیں دفاتر میں نہ گھسیٹا جائے۔

Comments

یہ بھی پڑھیں