عید الاضحیٰ : ہوشیار، تجربہ کار قصائیوں کے ساتھ موسمی قصائی بھی میدان میں -
The news is by your side.

Advertisement

عید الاضحیٰ : ہوشیار، تجربہ کار قصائیوں کے ساتھ موسمی قصائی بھی میدان میں

کراچی : عید قرباں پر قصائیوں کے نخرے تو آسمانوں پر ہیں لیکن شہری احتیاط کریں کیونکہ  ان تجربہ کار قصائیوں کے ساتھ نئے اور موسمی قصائی بھی میدان میں آگئے ہیں۔

عید الاضحیٰ کے قریب آتے ہی قربانی کے جانوروں کی قیمتوں اور نخروں کے ساتھ قصائیوں کے معاوضے اور نخرے بھی آسمان سے باتیں کر رہے ہیں کیونکہ یہی تو وہ سیزن ہے جس میں قصائیوں کی خوب چاندی ہوتی ہے، پروفیشل قصائیوں نے بھی آنکھیں ماتھے پر رکھ لیں۔

کراچی کے علاوہ لاہور، فیصل آباد، راولپنڈی، گوجرانوالہ، پشاور اور کوئٹہ میں موسمی قصائی بھی جیبیں بھرنے کے لیے چھرا لے کر تیار بیٹھے ہیں، ایسے ہزاروں لوگ عید کے موقع پر متحرک ہوجاتے ہیں جن کا قصاب کے پیشے سے دور کا بھی تعلق نہیں ہوتا۔

ان میں سے بہت سارے رکشہ ڈرائیورز، کسان اور دیہاڑی دار مزدور ہوتے ہیں جو کہ مستند قصائیوں کی طرح سے زیادہ اجرت کے مطالبے کی وجہ سے میدان میں آجاتے ہیں۔

مختلف شہر وں میں عید سے پہلے ہی تمام قصائیوں کی بکنگ ان کے من پسند معاوضے پر ایڈوانس میں ہو چکی ہے مگر عوام ہوشیار رہیں، قربانی کے سیزن میں پروفیشنل قصائیوں کے علاوہ سیزنل قصائی بھی مارکیٹ میں دستیاب ہوتے ہیں۔

قصائی بک کرنے سے پہلے سو بار سوچئے، ضرور کہیں گوشت کی کٹائی غلط ہوگئی تو مسئلہ نہ بن جائے کیونکہ ان جزوقتی قصائیوں کو جہاں جانور کو ذبح کرنے کا ہنر نہیں آتا وہیں گوشت کی کٹائی اور کھال اتارنے میں اناڑی پن کی وجہ سے جانور تو جانور اس کے گوشت کا بھی خانہ خراب کردیتے ہیں، لہٰذا اپنے قیمتی جانور کا گوشت خراب ہونے سے بچانے کیلئے ایسے موسمی قصائیوں سے ہوشیار رہیں۔

Comments

comments

یہ بھی پڑھیں