site
stats
پاکستان

لاہور: جعلی کولڈ ڈرنک فیکٹری پرچھاپہ، ہزاروں بوتلیں ضبط

لاہور : پنجاب فوڈ اتھارٹی نے لاہور کے علاقے گلشن عمر میں کارروائی کرتے ہوئے جعلی کولڈ ڈرنک بنانے کی فیکٹری پکڑ لی۔ اسٹاک تلف کر کے مشینری ضبط اور فیکٹری سیل کردی گئی۔

تفصیلات کے مطابق لاہور میں پنجاب فوڈ اتھارٹی کی تابڑ توڑ کاررائیاں جاری ہیں۔ پنجاب فوڈ اتھارٹی نے جعلی کولڈرنک بنانے والی فیکٹری پر چھاپہ مار کر جعلی اورغیرمعیاری کولڈ ڈرنکس کی ہزاروں بوتلیں قبضے میں لے لیں۔

ڈی جی پنجاب فوڈ اتھارٹی نے میڈیا کو بتایا کہ گلشن عمر میں فیکٹری میں جعلی کولڈرنکس تیارکی جارہی تھیں۔ یہ بوتلیں کیمیکل، مصنوعی مٹھاس، کلر اورتیزاب سے تیارکی جا رہی تھیں۔

ڈی جی پنجاب فوڈ اتھارٹی نے بتایا کہ کارروائی کے دوران فیکٹری سے 15ہزار220بوتلیں، 4من رنگ، 18ہزارخالی جعلی بوتلیں برآمد ہوئی ہیں۔


مزید پڑھیں: شیخوپورہ: ناقص اجزا کا استعمال، کولڈ ڈرنک فیکٹری سیل


ڈی جی پنجاب فوڈ اتھارٹی کا کہنا تھا کہ اسٹاک تلف کر کے مشینری ضبط اور فیکٹری سیل کردی گئی ہے۔ ان کا کہنا تھا کہ مالکان کیخلاف مقدمہ درج کر لیا گیا ہے اور ریکارڈ قبضے میں لے کر خریداروں کا سراغ لگارہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top