لاہور: پنجاب کے شہر لاہور میں 3 ملزمان سے منشیات اور ڈیڑھ لاکھ سے زائد جعلی کرنسی برآمد کر لی گئی۔
تفصیلات کے مطابق لاہور میں گلشن راوی پولیس نے مختلف کارروائیوں میں جعلی کرنسی کا کاروبار کرنے والے دو افراد اور ایک منشیات فروش کو گرفتار کر لیا۔
پولیس حکام کا کہنا ہے کہ ریکارڈ یافتہ ملزمان عثمان اور مقصود سے جعلی کرنسی نوٹ برآمد ہوئے ہیں، ملزمان جعلی نوٹ لاہور سمیت مختلف اضلاع میں فروخت کرتے تھے، برآمد ہونے والے جعلی نوٹوں کی تعداد ڈیڑھ لاکھ سے زائد ہے۔
دوسری کارروائی میں منشیات فروش فرمان کو گرفتار کیا گیا، جس سے ایک کلو سے زائد چرس برآمد ہوئی، ملزم فرمان کو ورکنگ ویمن ہاسٹل کے قریب سے گرفتار کیا گیا۔
Comments
- Advertisement -
