The news is by your side.

Advertisement

سعودی عرب: پلاسٹک سرجری کرنے والی جعلی ڈاکٹر گرفتار

ریاض: سعودی عرب میں ایک جعلی خاتون ڈاکٹر خاتون کو گرفتار کیا گیا ہے جو بغیر کسی ڈگری کے پلاسٹک سرجری آپریشنز کر رہی تھیں، طویل عرصے تک یہ کام کرنے کے دوران خاتون نے لاکھوں ریال کمائے۔

سعودی ویب سائٹ کے مطابق سعودی عرب کے شہر حائل کے محکمہ صحت نے کہا ہے کہ پرائیویٹ میڈیکل سینٹر سے ایک جعلی عرب خاتون ڈاکٹر کو گرفتار کیا گیا ہے جو بغیر کسی ڈگری کے پلاسٹک سرجری آپریشنز کر رہی تھیں۔

مذکورہ عرب خاتون طویل عرصے یہ کام کر رہی تھی اور اس کے ذریعے لاکھوں ریال کما رہی تھیں۔

مقامی محکمہ صحت نے ٹویٹر پر جاری بیان میں عرب خاتون کی شہریت نہیں بتائی البتہ کہا ہے کہ وہ پلاسٹک سرجری کا کام کسی مستند ڈگری کے بغیر انجام دے رہی تھی۔

محکمہ صحت نے عرب خاتون کے خلاف قانونی کارروائی کے لیے اس کی فائل متعلقہ ادارے کے حوالے کر دی ہے جو پوچھ گچھ مکمل کر کے اس کے خلاف مقررہ سزا کا فیصلہ کرے گا۔

Comments

یہ بھی پڑھیں