The news is by your side.

Advertisement

آئی بی اے سے ٹیسٹ پاس کرنے والے متعدد اساتذہ جعلی ڈومیسائل والے نکلے

کراچی: صوبہ سندھ کے دارالحکومت کراچی میں آئی بی اے سے ٹیسٹ پاس کرنے والے متعدد اساتذہ کے شناختی کارڈز دیگر صوبوں کے سامنے آگئے۔

تفصیلات کے مطابق آئی بی اے سے ٹیسٹ پاس کرنے والے اساتذہ کے شناختی کارڈز دیگر صوبوں کے سامنے آگئے، ڈسٹرکٹ ایسٹ میں پی ایس ٹی اور جی ایس ٹی کے 118 امیدواروں نے ٹیسٹ پاس کیا۔

کورنگی میں دیگر صوبوں کے شناختی کارڈ رکھنے والے 62 امیدواروں نے ٹیسٹ پاس کیا، کراچی سینٹرل میں 36، ملیر سے 42، حیدر آباد میں 59، میر پور خاص میں 24، سکھر میں 36، لاڑکانہ میں 22 اور سانگھڑ میں 37 امیدواروں کے شناختی کارڈ دیگر صوبوں کے نکلے۔

سندھ کی یو سیز میں جی ایس ٹی کے 509 امیدوار دیگر صوبوں کے شناختی کارڈ رکھنے والے پکڑے گئے، پی ایس ٹی کے 291 امیدوار دیگر صوبوں کے شناختی کارڈ رکھنے والے پکڑے گئے۔

کراچی کے ڈسٹرکٹ ایسٹ میں بھی کئی امیدوار ہیں جن کا تعلق دیگر صوبوں سے ہے۔

سیکریٹری تعلیم کا کہنا ہے کہ جعلی ڈومیسائل یا ڈگری رکھنے والے امیدواروں پر 420 کے تحت مقدمہ درج ہوگا۔

Comments

یہ بھی پڑھیں