لاہور: جعلی مشروبات کی فیکٹری پر چھاپہ، لاکھوں بوتلیں ضبط -
The news is by your side.

Advertisement

لاہور: جعلی مشروبات کی فیکٹری پر چھاپہ، لاکھوں بوتلیں ضبط

لاہور : پنجاب فوڈ اتھارٹی نے جعلی مشروبات بنانے والی فیکٹری پر چھاپہ مارا، چھاپے کے دوران پی ایف اے کی ٹیم پر فائرنگ بھی کی گئی، پولیس نے ملزمان کیخلاف جعل سازی اورفائرنگ کا مقدمہ درج کرلیا۔

تفصیلات کے مطابق لاہور میں پنجاب فوڈ اتھارٹی کی ٹیم نے جعلی مشروبات بنانے والی فیکٹری پر چھاپہ مارا، ٹیم نے رات گئے چھاپہ مارا توفیکٹری میں جعلی بوتلیں تیارکرنے کا کام جاری تھا۔

چھاپے کے بعد ملزمان پنجاب فوڈ اتھارٹی کی ٹیم پر فائرنگ کرتے ہوئے بھاگ نکلے۔ ڈی جی فوڈ اتھارٹی نورالامین مینگل نے موقع پر پہنچ کر کارروائی مکمل کی۔

ڈی جی فوڈز کے مطابق فیکٹری میں معروف برانڈز کی جعلی بوتلیں تیار ہو رہی تھیں۔ فیکٹری سے چار لاکھ بوتلوں کا اسٹاک بھی ضبط کر لیا گیا۔


مزید پڑھیں : جعلی مشروبات بنانے والی فیکٹری سیل ،تین افرادگرفتار


ڈی جی فوڈز کا کہنا تھا کہ فروخت کا تمام ریکارڈ قبضے میں لے کر تحقیقات شروع کر دی گئی ہیں۔ فیکٹری مالکان کے خلاف جعل سازی کے علاوہ فائرنگ کا مقدمہ بھی درج کروا دیا گیاہے۔

Comments

comments

یہ بھی پڑھیں