The news is by your side.

Advertisement

جعلی اورفینسی نمبر پلیٹیں بنانے والوں کیخلاف تاریخ کا پہلا مقدمہ درج

لاہور : جعلی اورفینسی نمبر پلیٹیں بنانے والوں کیخلاف تاریخ کا پہلا مقدمہ درج کر کے دو افراد کو گرفتار کر لیا گیا۔ محکمہ ایکسائز نے جعلی نمبر پلیٹس بنانے والی فیکٹری کو سیل کر کے دس ہزار نمبر پلیٹیں قبضے میں لے لیں۔

تفصیلات کے مطابق محکمہ ایکسائز نے لاہور کے علاقے گڑھی شاہو میں جعلی اور غیر نمونہ نمبر پلیٹیں بنانے والی بڑی فیکٹری پر چھاپہ مارا اور فیکٹری سے 10 ہزار نمبر پلیٹیں، گورنمنٹ کے اسٹیکرز اور مشینری کو قبضہ میں لے لیا۔

ڈائریکٹر ایکسائز محمد آصف کا کہنا ہے کہ غیر قانونی کام کسی صورت میں برداشت نہیں کیا جائے گا۔ فیکٹری سے 2 افراد کو گرفتارکرکے جعلی نمبر پلیٹیں بنانے والوں کیخلاف تاریخ کا پہلا مقدمہ درج کیا گیا ہے۔

مزید پڑھیں : پنجاب بھر میں غیر قانونی نمبر پلیٹوں والی گاڑیوں کیخلاف کریک ڈاؤن شروع

ایم آر اے ایکسائز محمد نعیم کا کہنا ہے کہ مزید فیکٹریاں بھی ہمارے نوٹس میں ہیں ان کیخلاف بھی جلد کارروائی کی جائے گی۔ غیر قانونی نمبر پلیٹوں والی گاڑیوں کے خلاف لاہور سمیت پنجاب کے تمام اضلاع میں کریک ڈاؤن جاری ہے۔

مزید پڑھیں : جعلی نمبر پلیٹس لگانے والوں کیخلاف سخت کارروائی کا فیصلہ

لاہور میں موٹر انٹر چینج پر درجنوں گاڑیوں کی غیر قانونی نمبر پلیٹیں توڑ کر بھاری جرمانے کیے گئے ۔واضح رہے کہ لاہور میں غیر نمونہ اور جعلی نمبر پلیٹوں کیخلاف کارروائی کر کے روزانہ کی بنیاد پر ہزاروں گاڑیوں سے نمبر پلیٹیں اتاری جا رہی ہیں۔

Print Friendly, PDF & Email

Comments

comments

یہ بھی پڑھیں