The news is by your side.

Advertisement

سندھ میں غیررجسٹرڈ کلینکس واسپتالوں کے جعلی لائسنس کا انکشاف

کراچی : سندھ میں غیررجسٹرڈ کلینکس واسپتالوں کے جعلی لائسنس کا انکشاف سامنے آیا ، جس کے بعد ہیلتھ کیئرکمیشن نے طبی مراکز اور عملے کی اسنادکی چانچ پڑتال کرنے کا فیصلہ کرلیا۔

تفصیلات کے مطابق سندھ میں غیر رجسٹرڈ کلینکس اور اسپتالوں کی جانب سے جعلی لائسنس بنانے کا انکشاف ہوا ، جس پر سندھ ہیلتھ کیئرکمیشن کی چھاپہ مارٹیموں نے متعددجعلی لائسنس اپنی تحویل میں لئے۔

ذرائع ایس ایچ سی کے کا کہنا تھا کہ جعلی لائسنس کی آڑمیں کئی برس سےاسپتال اورکلینکس چل رہے تھے۔

سندھ ہیلتھ کیئرکمیشن نے اب اصلی لائسنس جاری کرنے کے لئے کمرکس لی ہے، ذرائع نے کہا اصلی لائسنس سیکیورٹی پرنٹنگ پریس سے چھپوائے جائیں گے، لائسنس میں سیکیورٹی کوڈہوگاجس میں تبدیلی نہیں ہوسکےگی۔

بعد ازاں سندھ ہیلتھ کیئرکمیشن نے صوبے کے طبی مراکزاورعملےکی اسنادکی چانچ پڑتال کرنےکافیصلہ کرلیا ، ہیلتھ کیئرکمیشن کی ٹیمیں اچانک اسپتالوں اورطبی مراکزکامعائنہ کرےگی۔

Comments

یہ بھی پڑھیں