دبئی: محکمہ اقتصادیاتی ترقی کے حکام نے ڈیرہ میں واقع موبائل مارکیٹ کے قریب غیر قانونی گودام پر چھاپہ مارکرلاکھوں درہم مالیت کے ہزاروں موبائل فونز برآمد کرنے کے بعد گودام کو بند کردیا ہے۔
تفصیلات کے مطابق دبئی کے علاقے نائف میں واقع عمارت کے اندر سے لاکھوں درہم مالیت کے جعلی موبائل فون اور دیگر الیکڑانک اشیاء برآمد کی ہیں۔ جسے دبئی کے شعبہ اقتصادی ترقی کے اہلکاروں کارروائی کے بعد اپنے قبضے میں لے کر حکومتی خزانے میں منتقل کر دیا ہے۔
دبئی کے شعبہ اقتصادی ترقی کے افسران نے جعلی موبائل فونز کی فروخت اور ذخیرہ کے متلعق ملنے والی انٹیلی جنس رپورٹ کے بعد فوری چھاپہ مار کارروائی کرتے ہوئے نائف میں واقع فلیٹس سے 75،250 جعلی موبائل فونز برآمد کرلیے ہیں۔
محمکہ اقتصادیات کے تفتیشی افسر کا کہنا تھا کہ ملزمان فلیٹس کو غیر قانونی طریقے سے گودام کے طور پر استعمال کر رہے تھے ’تفتیشی افسران نے گودام کی کافی دیر تلاشی کے بعد دونوں فلیٹس میں سے تقریباً ایک کروڑ درہم سے زائد مالیت کے موبائل فون اور جعلی اشیاء برآمد کی ہیں۔
دبئی حکام کا کہنا ہے کہ ملزمان نے ڈیرہ کی موبائل مارکیٹ کے قریب موبائل فون رکھنے کے لیے گودام بنایا تھا تاکہ موبائل فون اورموبائل میں استعمال ہونے والی دیگراشیاء کو باآسانی فروخت کیا جاسکے، ان کا مزید کہنا تھا کہ تقریباً 573،413 جعلی موبائل فون کی اشیاء اور 327،643 اشیاء کو پیک کرنے والا مواد برآمد ہوا ہے۔ جسے قبضے میں لے کر فلیٹ کو سیل کردیا ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
