The news is by your side.

Advertisement

متحدہ عرب امارات کے رہائشیوں کو واٹس ایپ پر خریداری کے جعلی میسج ارسال

دبئی: یو اے ای کے رہائشیوں کو ہائپر مارکیٹ کی پروموشن کے جعلی میسج بھیج دئیے گئے، مارکیٹ انتظامیہ کا کہنا ہے جعل سازوں کے خلاف کارروائی کی جائے گی۔

تفصیلات کے مطابق یو اے ای کے صارفین کو واٹس ایپ پر جعلی میسج بھیجے گئے ہیں جس میں لکھا ہے کہ لولو ہائپر مارکیٹ کی جانب 18ویں سالگرہ کے موقع پر 500 درہم کے شاپنگ واؤچرز دئیے جارہے ہیں۔

لولو ہائپر مارکیٹ انتظامیہ کا کہنا ہے کہ اس قسم کے کسی بھی میسج سے ان کا کوئی تعلق نہیں ہے، انتظامیہ کا کہنا ہے کہ صارفین اس حوالے سے کسی بھی قسم کی معلومات کے لیے سوشل میڈیا اور فون کرکے تفصیلات لے سکتے ہیں۔

مارکیٹ انتظامیہ کا کہنا ہے کہ لولو ہائپر کا نام استعمال کرکے اس کی ساکھ کو نقصان پہنچانے کی کوشش کی گئی ہے، فراڈ کرنے والوں کے خلاف سخت کارروائی عمل میں لائی جائے گی۔

انتظامیہ کا کہنا ہے کہ لولو کا نام استعمال کرنے والے جعلساز کے واٹس ایپ نمبر سے اس کی پرسنل انفارمیشن نکالی جارہی ہیں، اس کے بینک اکاؤنٹس، بینک کارڈ کی بھی تفصیلات حاصل کی جائیں گی۔

لولو گروپ کا کہنا ہے کہ فروری میں بھی جلعسازوں کی جانب سے صارفین کو اس طرح کے ایس ایم ایس ارسال کیے گئے تھے جس میں کہا گیا تھا کہ مارکیٹ کی جانب سے 2 لاکھ درہم کے مفت واؤچرز دئیے جارہے ہیں۔

لولو گروپ نے صارفین کو نصیحت کی ہے کہ اس طرح کے کسی بھی پیغامات کا جواب نہ دیا جائے جس میں صارفین سے بینک کارڈ یا ان کی پرسنل انفارمیشن مانگی گئی ہوں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں