The news is by your side.

Advertisement

مقبوضہ کشمیر سے متعلق پارلیمانی کمیٹی کا اجلاس آج ہوگا

اسلام آباد: مقبوضہ کشمیر سے متعلق پارلیمانی کمیٹی کا اجلاس آج پارلیمنٹ ہاؤس میں طلب کیا گیا ہے جس میں مقبوضہ کشمیر کی صورت حال کا جائزہ لیا جائے گا۔

تفصیلات کے مطابق کشمیر کمیٹی کے چیئرمین فخر امام کی زیرصدارت مقبوضہ کشمیر سے متعلق پارلیمانی کمیٹی کا اجلاس آج دوپہر 2 بجے پارلیمنٹ ہاؤس میں ہوگا۔

پارلیمانی کمیٹی کے اجلاس میں کمیٹی مقبوضہ کشمیر کی موجودہ صورت حال اور بھارت کی طرف سے نہتے شہریوں کے خلاف کلسٹر بموں کے استعمال پر تبادلہ خیال کرے گی۔

بھارت نےمقبوضہ کشمیرکی خصوصی حیثیت ختم کردی

بھارت نے مقبوضہ کشمیرکی خصوصی حیثیت ختم کردی اور بھارتی صدر نے آرٹیکل 370 ختم کرنے کے بل پر دستخط کر دیے۔

واضح رہے کہ مقبوضہ کشمیرکی صورت حال پربھارتی پارلیمنٹ کا اجلاس ہوا، بھارتی وزیراعظم نریندر مودی پارلیمنٹ کے اجلاس میں شریک ہوئے۔

بھارتی وزیرداخلہ امیت شاہ نے آرٹیکل 370 ختم کرنے کا بل پارلیمنٹ میں پیش کیا، تجویز کے تحت غیر مقامی افراد مقبوضہ کشمیر میں سرکاری نوکریاں حاصل کرسکیں گے اور 370 ختم ہونے سے مقبوضہ کشمیرکی خصوصی حیثیت ختم ہوجائے گی۔

بعد ازاں بھارتی صدر نے آرٹیکل 370 ختم کرنے کے بل پر دستخط کر دیے اور گورنر کاعہدہ ختم کرکے اختیارات کونسل آف منسٹرز کو دے دیے، جس کے بعد مقبوضہ کشمیرکی خصوصی حیثیت ختم ہوگئی۔

Comments

comments

یہ بھی پڑھیں