The news is by your side.

Advertisement

فخر زمان رواں سال ٹی ٹوئنٹی انٹرنیشنل کے ٹاپ اسکورر بن گئے

ہرارے: قومی ٹیم کے ابھرتے ہوئے اوپنر بلے باز فخر زمان نے رواں سال ٹی ٹوئنٹی انٹرنیشنل میں سب سے زیادہ رنز بنا کر بھارت کے شیکھر دھون کو پیچھے چھوڑ دیا۔

تفصیلات کے مطابق فخر زمان نے آسٹریلیا کے خلاف میچ میں 73 رنز کی شاندار اننگز کھیلی اور 2018 میں ٹی ٹوئنٹی انٹرنیشنل میچز میں سب سے زیادہ رنز بناتے ہوئے شیکھر دھون کو پیچھے چھوڑ دیا۔

فخر زمان 2018 میں 12 میچز کھیلتے ہوئے 3 نصف سنچریز کی مدد سے 425 رنز کے ساتھ ٹاپ پر آگئے ہیں، انہوں نے بھارتی بلے باز شیکھر دھون 419 رنز کو دوسرے نمبر پر پہنچا دیا ہے۔

لیڈنگ رنز اسکورر کی فہرست میں آسٹریلوی کپتان ایرون فنچ 414 رنز کے ساتھ تیسرے جبکہ کیوی بیٹسمین مارٹن گپٹل 414 رنز کے ساتھ چوتھے نمبر پر ہیں۔

کیوی بلے باز کولن منرو 9 میچز میں 396 رنز کے ساتھ پانچویں نمبر پر براجمان ہیں جبکہ بنگلہ دیش کے مشفیق الرحیم 10 میچز میں 359 رنز کے ساتھ چھٹے نمبر پر ہیں۔

ساتویں نمبر پر روہت شرما ہیں انہوں نے 11 ٹی ٹوئنٹی انٹرنیشنل میچز میں 334 رنز بنارکھے ہیں، آٹھویں نمبر پر قومی ٹیم کے کپتان سرفراز احمد ہیں، سرفراز نے 12 میچز کھیل کر 292 رنز بنا رکھے ہیں۔

مزید پڑھیں: فخر زمان کا دوستوں کے ہمراہ ہلا گلا

منیش پانڈے 10 میچز میں 276 رنز کے ساتھ نوے نمبر پر موجود ہیں جبکہ دسویں نمبر پر انجری کا شکار بابر اعظم موجود ہیں انہوں نے 6 میچز میں 274 رنز بنا رکھے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں