رواں سال ننھی پری کے والدین بننے والی شوبز انڈسٹری کی مقبول ترین جوڑی سارہ خان اور فلک شبیر بیٹی کو ساتھ لے کر ترکی پہنچ گئے۔
گلوکار فلک شبیر نے فوٹو اور ویڈیو شیئرنگ ایپ انسٹاگرام پر تصویر شیئر کی جس میں وہ اداکارہ اور اہلیہ سارہ خان کے ہمراہ خوشگوار موڈ میں دکھائی دے رہے ہیں۔
View this post on Instagram
وائرل ہونے والی تصاویر اور ویڈیوز میں دیکھا جاسکتا ہے کہ سارہ خان اور فلک شبیر اپنی بیٹی کے ہمراہ پہلے ایئرپورٹ اور پھر جہاز میں موجود ہیں۔
اس کے علاوہ فلک شبیر نے اپنے تصدیق شدہ انسٹاگرام اکاؤنٹ پر اہلیہ کے ہمراہ چند دلکش تصاویر شیئر کیں، انسٹاگرام پر شیئر کی گئی تصاویر میں سارہ خان اور فلک شبیر ترکی کے شہر استنبول میں موجود ہیں۔
دوسری جانب سارہ خان نے بھی اپنے انسٹاگرام اکاؤنٹ پر استنبول سے اپنی خوبصورت تصاویر شیئر کی ہیں۔
واضح رہے کہ سارہ خان اور فلک شبیر کے ہاں گزشتہ ماہ دنوں بیٹی کی پیدائش ہوئی تھی جس کی اطلاع گلوکار نے سوشل میڈیا کے ذریعے دی تھی، ننھی پری کا نام جوڑے نے ’عالیانہ فلک‘ رکھا۔
