تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

سعودی عرب: حوثی باغیوں کا میزائل حملہ، ایک پاکستانی شہری زخمی

ریاض: حوثی باغیوں نے سعودی عرب پر بیلسٹک میزائل داغ دیا جس کے نتیجے میں ایک پاکستانی شہری زخمی ہوگیا۔

تفصیلات کے مطابق یمن میں برسرپیکار ایران کے حمایت یافتہ حوثی باغیوں نے سعودی عرب کے شہر جازان پر بیلسٹک میزائل داغا جس کے نتیجے میں ایک پاکستانی شہری زخمی ہوگیا۔

عرب میڈیا کا کہنا ہے ایران مسلسل حوثی باغیوں کو سپورٹ کررہا ہے جبکہ وہ انہیں مالی اور جنگی اعتبار سے اسلحہ بھی فراہم کررہا ہے، علاوہ ازیں ایران حوثی باغیوں کی پشت پناہی کر کے عالمی قوانین کی بھی خلاف ورزی کررہا ہے۔

سعودی اتحادی افواج کے ترجمان ترکی المالکی نے میزائل حملے کی تصدیق کرتے ہوئے کہا ہے کہ حوثی باغی عرب کے بڑے حصہ کو نقصان پہنچانا چاہتے تھے، تاہم حملے میں ایک پاکستانی شہری زخمی ہوا ہے۔


یمن: سعودی اتحادی افواج کا آپریشن، ایئرپورٹ کے داخلی راستے پر کنٹرول سنبھال لیا


بین الاقوامی تعلقات عامہ کے ماہرین کا کہنا ہے کہ یہ حملہ سعودی اتحاد کی جانب سے یمن میں میگا آپریشن کا درعمل ہوسکتا ہے، اس سے قبل متعدد میزائل حملے کیے جاتے تھے جسے عرب اتحادی افواج کا دفاعی نظام اسے ناکام بنا دیتا تھا۔

خیال رہے کہ عرب اتحاد کی جانب سے یمن کے مرکزی بندہ گاہ الحدیدہ پر بڑا آپریشن شروع کیا گیا ہے جس کا مقصد حوثی باغیوں کو اس علاقے سے خالی کرانا ہے، لیکن باغیوں کی جانب سے سخت مزاحمت کا سامنا ہے۔


سعودی اتحادی افواج کی حوثی باغیوں کے خلاف کارروائی


واضح رہے کہ گذشتہ دنوں سعودی اتحادی افواج نے یہ دعویٰ کیا تھا کہ انہوں نے یمنی ایئرپورٹ کے داخلی راستے پر کنٹرول سنبھال لیا ہے جبکہ مزاحمت کا بھرپور جواب دیا جارہا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -