مزیدار فالودہ تیار کرنے کی ترکیب -
The news is by your side.

Advertisement

مزیدار فالودہ تیار کرنے کی ترکیب

فالودہ آئس کریم گرمیوں کی خاص سوغات ہے جسے مختلف طریقوں سے تیار کیا جاتا ہے۔

آج ہم آپ کو گھر میں فالودہ تیار کرنے کی آسان ترکیب بتا رہے ہیں۔


اجزا

دودھ: آدھا کلو

کھویا: 1 پاؤ

چینی: حسب ضرورت

پستہ، بادام ۔ باریک کٹا ہوا: 2 کھانے کے چمچ

سبز الائچی کے دانے: حسب ضرورت

کارن فلور: 5 کھانے کے چمچ


ترکیب

دودھ کو ابالیں۔ اب دودھ میں کھویا اور چینی شامل کر کے گاڑھا ہونے تک پکائیں۔

گاڑھا ہونے پر پستہ بادام ڈال کر مکس کریں اور چولہے سے اتار کر ٹھنڈا ہونے دیں۔

آئس کریم ٹھنڈی ہوجائے تو فریزر میں رکھ کر جما لیں اور حسب پسند ٹکڑے کاٹ لیں۔

فالودہ بنانے کے لیے کارن فلور کو 1 گلاس پانی میں اچھی طرح مکس کریں، مکس کرنے کے بعد کارن فلور کو ہلکی آنچ پر مسلسل چمچ چلاتے ہوئے اتنا پکائیں کہ کارن فلور کا وائٹ کلر ختم ہو جائے۔ کارن فلور پکنے کے بعد گاڑھی لئی کی شکل کا ہوگا۔

اب گرم کارن فلور کو چمچ کی مدد سے سفید پولی تھین میں ڈالیں۔ پولی تھین کے نچلی طرف کونے میں ماچس کی تیلی سے چھوٹا سا سوراخ بنا لیں۔

اب ایک پیالے میں ٹھنڈا یخ پانی لیں اور آئس کیوب بھی ڈال لیں ، اب پولی تھین کو ہلکے ہاتھ سے دباتے ہوئے فالودہ کی سویاں پیالے میں گراتے جائیں۔

سرو کرنے کے لیے پہلے آئس کریم ڈالیں، اوپر فالودہ ڈال کر روح افزا ڈالیں اور تھوڑے سے پستے بادام بھی ڈال دیں۔

مزید اضافہ کرنا ہو تو پائن ایپل کے ٹکڑے، ویفرز بسکٹ اور رنگ برنگے مربے سے گارنش کر لیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں