میرٹھ: ریاست اترپردیش کے شہر میرٹھ میں لالچی خاندان نے معاوضے کی خاطر نوعمر لڑکی کو پھاندا لگا کر زندگی کا خاتمہ کرنے پر مجبور کردیا۔
بھارتی میڈیا رپورٹس کے مطابق واقعہ میرٹھ شہر میں پیش آیا جہاں اہل خانہ نے 16 سالہ لڑکی کو 65 سالہ شخص پر جنسی زیادتی کا نشانہ بنانے کا الزام عائد کرنے کا کہا اور پولیس کارروائی میں عدم دلچسپی پر خودکشی کرنے پر مجبور کیا۔
اہل خانہ کا مبینہ ملزم کے ساتھ تنازع تھا اور سیاسی پوائنٹ اسکورنگ کی وجہ سے لڑکی کو قربانی دینا پڑی، سینئر پولیس افسر نے واقعے کی تفصیلات سے آگاہ کرتے ہوئے بتایا کہ خودکشی کے بعد لڑکی کے موبائل فون سے اہل خانہ سے متعلق آڈیو پیغامات سامنے تھے جس کے بعد فیملی کا کردار عیاں ہوگیا تھا۔
پولیس افسر کا کہنا ہے کہ آڈیو پیغام میں لڑکی 65 سالہ شخص اور فیملی سے بات کررہی ہے جس میں واضح سنا جاسکتا ہے کہ گھر والے عصمت دری کا الزام لگانے کے لیے دباؤ ڈال رہے ہیں۔
سپرنٹنڈنٹ آف پولیس ایوناش پانڈے کا کہنا ہے کہ پوسٹ مارٹم رپورٹ میں لڑکی سے زیادتی کی تصدیق نہیں ہوئی اور لڑکی کو خودکشی پر مجبور کرنے کے الزام میں اہل خانہ کے 2 افراد کو گرفتار کر لیا گیا ہے۔
