مانچسٹر: ورلڈکپ 2019 کے سب سے اہم میچ میں پاکستان اور بھارت کی نامور شخصیات اپنی اپنی ٹیموں کو سپورٹ کرنے کے لیے گراؤنڈ پہنچیں۔
تفصیلات کے مطابق ورلڈکپ کے بائیسویں میچ میں پاکستان اور بھارت کی ٹیمیں مدمقابل ہیں، ایونٹ کے اہم اور بڑے میچ کو دیکھنے کے لیے جہاں ہزاروں تماشائی اسٹیڈیم پہنچے وہیں پاکستان اور بھارت سے تعلق رکھنے والی شخصیات بھی اولڈٹریفرڈ اسٹیڈیم پہنچیں۔
مانچسٹر میں موجود وفاقی وزیرخارجہ شاہ محمود قریشی اپنے وفد کے ہمراہ میچ دیکھنے اسٹیڈیم پہنچے، اس کے علاوہ سابق چیف جسٹس ثاقب نثار بھی اسٹیڈیم پہنچے۔
بھارتی اداکار سیف علی خان، رنویر سنگھ بھی اپنے کھلاڑیوں کے حوصلے بلند کرنے کے لیے اسٹیڈیم پہنچے اور انہوں نے پورا میچ دیکھا۔
One cricket match I always wanted to witness India vs Pakistan. Thank you Star Sports for making it happen. 🤩
.
.
.#IndVsPak #ICCWorldCup2019 #manchester #StarSports #selectdugout #cwc19 #India #Pakistan pic.twitter.com/puHpiQlQtU— Brian Lara (@BrianLara) June 15, 2019
علاوہ ازیں سابق بھارتی کرکٹ ٹیم کے کپتان سچن ٹنڈولکر، گنگولی، ویسٹ انڈیز کی ٹیم کے سابق کپتان اور مایہ ناز کھلاڑی برائن لارا بھی گزشتہ روز مانچسٹر پہنچے۔
برائن لارا نے اپنے پیغام میں کہا کہ ویسے تو ورلڈکپ کا ہر میچ اہمیت کا حامل ہے مگر پاکستان اور بھارت کا مقابلہ دیکھنے میں بہت مزہ آتا ہے اس لیے میں اسٹیڈیم پہنچا ہوں۔ دوسری جانب دنیا بھر میں لاکھوں کی تعداد میں شائقین نے ٹی وی پر میچ دیکھا اور اپنی اپنی ٹیموں کو سپورٹ کیا۔
Watch | "It has always been a fantastic contest. I think this is the biggest game of cricket in the world”, says actor #SaifAliKhan on #IndiaVsPakistan match#CWC19 #ICCWorldCup2019 pic.twitter.com/cQljg9DbRn
— Hindustan Times (@htTweets) June 16, 2019
بین الاقوامی شہرتِ یافتہ نامور پاکستانی گلوکار و اداکار علی ظفر بھی اسٹیڈیم پہنچے اور انہوں نے قومی ٹیم کو سپورٹ کیا۔
Familiar face spotted in the stands 👀
Our Insider @ZAbbasOfficial caught up with Pakistan actor and singer @AliZafarsays, who is at the venue supporting #SarfarazAhmed and Co. in Manchester. pic.twitter.com/TNGdInMXhE
— ICC (@ICC) June 16, 2019
پاکستانی شائقین ریلی کی صورت میں اسٹیڈیم پہنچے اور انہوں نے ٹیم کے ساتھ پاکستان کے حق میں نعرے لگائے، اس موقع پر گھڑ سوار ایک شخص لوگوں کی توجہ کا مرکز بنا جس نے ہاتھ میں قومی پرچم تھاما ہوا تھا۔
