اسلام آباد: اسیر حریت رہنما یاسین ملک کی اہلیہ مشال ملک نے مقبوضہ وادی میں بھارتی فوج کے ہاتھوں جعلی مقابلے میں کشمیری فٹبالر عامر سراج سمیت دو نوجوانوں کو شہادت پر عالمی برادری سے اپیل کی ہے۔
تفصیلات کے مطابق مشال ملک کی جانب سے جاری بیان میں کہا گیا کہ بھارتی فوج نے مشہور کشمیری فٹبالر عامر سراج کو سوپور بارہ مولا میں جعلی مقابلے میں شہید کیا، عامر سراج نوجوان ابھرتےہوئے فٹبال تھے، بھارتی فوج کو عامرسراج کی مقبولیت کا خوف تھا۔مشال ملک کا کہنا تھا کہ عامرسراج کھیل کے ذریعےعالمی سطح پر کشمیریوں کی نمائندگی کرنا چاہتےتھے، عام سراج کی خواہش تھی انٹرنیشنل سطح پر کشمیر کی نمائندگی کریں، کشمیریوں کی آواز دبانے کے لئے بھارتی فوج چن چن کر ہم سے ہیرے چھین رہی ہے۔
مشال ملک نے اپنے پیغام میں کہا کہ دنیا میں تمام فٹبالر اور اسپورٹس مین عامر سراج کے بہیمانہ قتل کے خلاف آواز اٹھائیں۔
I strongly condemn the murder of famous Kashmiri FootBaller Amir Siraj by Indian brutal Forces. World must take notice of this genocide going on in #Kashmir. #kashmirlivedmatter #kashmiriswantfreedom pic.twitter.com/P71WZ1cJ65
— Mushaal Hussein Mullick (@MushaalMullick) December 25, 2020
دوسری جانب حریت رہنما عبدالحمید لون نے بھی بھارتی فوج کے ہاتھوں کشمیری فٹبالر عامر سراج کے قتل کی مذمت کرتے ہوئے کہا کہ بھارتی قابض افواج کشمیریوں کو جعلی مقابلوں میں قتل کررہی ہے، عامر سراج نوجوان ابھرتے ہوئے فٹبالر تھے۔