معروف بھارتی اداکارہ جوہی چاولہ کراچی پہنچ گئیں indian-actress-johi-chawla
The news is by your side.

Advertisement

معروف بھارتی اداکارہ جوہی چاولہ کراچی پہنچ گئیں

کراچی :معروف بھارتی اداکارہ جوہی چاولہ کراچی پہنچ گئی، بالی ووڈ اسٹار نے کراچی آمد کی اطلاع ٹویٹر کے ذریعے دی۔

تفصیلات کے مطابق رومانوی اور مزاحیہ کرداروں میں نظر آنے والی بالی ووڈ اداکارہ جوہی چاولہ ان دنوں کراچی میں چھٹیاں منا رہی ہیں، جوہی چاولہ نے شہر قائد میں موجودگی کی اطلاع سماجی رابطے کی ویب ٹویٹر کے ذریعے دی تھی۔

مقبول ترین بالی ووڈ اداکارہ جوہی چاولہ نے ٹویٹر اکاؤنٹ پر لکھا کہ ’اپنے دوستوں اور گھر والوں کے ہمراہ کراچی کے بوٹ کلب میں (لنچ) کھانا کھانے آئی ہوں، اس کے بعد ہم فلم دیکھنے جائیں گے‘۔

مداحوں کو متعدد سپر ہٹ فلمیں دینے والی جوہی چاولہ نے ٹویٹر پر بتایا کہ ’اپنے دوستوں اور اہل خانہ کے ساتھ حال ہی میں ریلیز ہونے والی پاکستانی رومانوی فلم ’جوانی پھر نہیں 2‘ دیکھنے کے لیے سنیما جائیں گے۔

بالی ووڈ اداکارہ کا کہنا تھا کہ ’اتفاق سے فلم ’جوانی پھر نہیں آنی 2‘ بھارتی لڑکی اور پاکستانی لڑکے کے مابین محبت کی کہانی کے گرد گھومتی ہے۔

خیال رہے کہ معروف بالی اداکارہ جوہی چاولہ پہلی مرتبہ پاکستان نہیں آئی بلکہ اس سے قبل بھی بالی اداکارہ کئی مرتبہ پاکستان باالخصوص روشنیوں کے شہر کراچی آچکی ہیں۔

یاد رہے کہ جوہی چاولہ سنہ 2016 میں اپنے رشتہ داروں کی شادی میں شرکت کرنے کے لیے آخری مرتبہ کراچی آئیں تھی۔

Comments

comments

یہ بھی پڑھیں