The news is by your side.

Advertisement

لاہور، مصباح الحق کی مداحوں سے ملاقات، سیلفیاں بنوائیں

لاہور: قومی کرکٹ ٹیم کے ہیڈ کوچ اور سلیکٹر مصباح الحق نے قذافی اسٹیڈیم لاہور میں مداحوں سے ملاقات کی اور سیلفیاں بنوائیں۔

تفصیلات کے مطابق قومی کرکٹ ٹیم کے ہیڈ کوچ اور چیف سلیکٹر مصباح الحق نے قذافی اسٹیڈیم میں مداحوں سے ملاقات کی، مصباح نے سدرن پنجاب اور سینٹرل پنجاب کے میچ کے دوران مداحوں کے ساتھ تصاویر بنوائیں اور آٹوگراف دئیے۔

سدرن پنجاب اور سینٹرل پنجاب کے درمیان میچ میں گراؤنڈ مصباح اور پاکستان زندہ باد کے نعروں سے گونج اٹھا۔

دوسری جانب فااسٹ بولر عمر گل بھی سندھ اور بلوچستان کے میچ کے دوران مداحوں کے ساتھ گھل مل گئے، عمر گل نے مداحوں کے پاس جاکر سیلفیاں بنوائیں۔

عمر گل کا کہنا تھا کہ قائد اعظم ٹرافی کے میچ دیکھنے زیادہ سے زیادہ مداح آئیں اور اپنے اسٹارز کو کھیلتے ہوئے دیکھیں، مداحوں کے آنے سے ہمارا حوصلہ بڑھتا ہے۔

واضح رہے کہ قائد اعظم ٹرافی کے میچز جاری ہیں، سندھ کی ٹیمیں کراچی کے یو بی ایل اسپورٹس کمپلیکس میں مدمقابل ہیں، اسی طرح پنجاب کی ٹیموں قذافی اسٹیڈیم لاہور میں میچ کھیل رہی ہیں۔

سدرن پنجاب کی ٹیم نے پہلی اننگز میں 467 بنائے ہیں، سدرن پنجاب کے اوپنر سمیع اسلم نے بیٹ کیری کیا اور 243 رنز کی شاندار اننگز کھیلی، ان کی اننگز میں ایک چھکا اور 29 چوکے شامل تھے۔

وکٹ کیپر عدنان اکمل نے 113 اور عامر یامین نے 64 رنز بنائے، وقاص مقصود نے 4، حسن علی نے تین، بلال آصف نے 2 کھلاڑیوں کو آؤٹ کیا۔

Comments

comments

یہ بھی پڑھیں