The news is by your side.

بھارتی فواد خان اور دپیکا کو ایک ساتھ دیکھنے کے خواہشمند

پاکستان کے نامور اداکار فواد خان نہ صرف پاکستان بلکہ پڑوسی ملک میں بھی کافی مقبول ہیں اور ان کی اداکاری کو بھی بہت پسند کیا جاتا ہے۔

اداکار فواد خان کا ڈرامہ ہمسفر اور زندگی گلزار ہے نہ صرف پاکستان بلکہ بھارت میں بھی کافی مقبول ہوا تھا، ان کی ڈرامہ میں اداکاری کو بے حد پسند کیا گیا تھا، جس کے بعد انہوں نے بالی ووڈ میں کام کی پیشکش ہوئی تھی۔

انہوں نے سونم کپور کے مدمقابل ‘خوبصورت’ فلم میں کام کیا تھا، انہیں فلم میں بہترین اداکاری پر فلم فیئر ایوارڈ بھی ملا تھا۔

حال ہی میں ایک انڈین پیج نے ایک سروے کروایا گیا، سروے میں صارفین سے سوال کیا گیا کہ دپیکا پڈوکون ریمپ پر واک کرتے ہوئے فواد خان کے ساتھ بہتر لگ رہی ہیں یا رنویر کپور کے ساتھ، اس سروے میں دیپیکا پڈوکون کو ان کے حقیقی شوہر رنویر سنگھ کے ساتھ بھی نامزد کیا گیا تھا۔

42 فیصد صارفین نے کہا کہ وہ دیپیکا کو فواد خان کے ساتھ ریمپ پر واک کرتے ہوئے دیکھنا چاہتے ہیں جبکہ 37 فیصد نے دیپیکا کو ان کے شوہر رنویر سنگھ کے ساتھ واک کرتے دیکھنے کی خواہش کا اظہار کیا۔

Comments

یہ بھی پڑھیں