The news is by your side.

Advertisement

فرح خان کا الزامات لگانے والوں کو منہ توڑ جواب دینے کا فیصلہ

لاہور: مسلم لیگ ن کی جانب سے لگائے جانے والے الزامات پر فرح خان نے منہ توڑ جواب دینے کا فیصلہ کرلیا۔

اے آر وائی نیوز کے مطابق فرح خان نے الزامات لگانے والوں کو منہ توڑجواب دینے کا فیصلہ کرتے ہوئے ٹیکس مشیروں کو اثاثوں کو پبلک کرنے کی ہدایت کردی۔

فرح خان نے ٹیکس مشیروں کو ہدایت دی کہ وہ ان کے اثاثوں کی تفصیلات پبلک کریں۔

ذرائع کا بتانا ہے کہ فرح خان کے ٹیکس ایڈوائزرز کل لاہور میں پریس کانفرنس کریں گے۔

واضح رہے کہ گزشتہ دنوں فرح خان نے اپنے وکیل کے ذریعے عطا اللہ تارڑ کے الزامات پر انہیں قانونی نوٹس بھجوایا، نوٹس الزامات لگانے اور تضحیک آمیز انداز سے نام بگاڑنے پر بھیجا گیا۔

عطا تارڑ سے 7 روز میں تحریری معافی اور الزامات واپس لینے کا مطالبہ کیا گیا ہے۔

 

مزید پڑھیں: فرح خان نے لیگی رہنما کو لیگل نوٹس بھجوا دیا

نوٹس کے متن کے مطابق عطا تارڑ میڈیا پر آکر معافی مانگیں اور الزامات واپس لیں معافی نہ مانگنے کی صورت میں پانچ ارب روپے ہرجانے کی قانونی کارروائی کی جائے گی۔

ادھر ترجمان نیب لاہورکے مطابق فرح خان کا کیس نیب کے دائرہ اختیار میں آتا ہے ، نیب کسی بھی پبلک آفس ہولڈر یا اسکے اہلخانہ کے خلاف آمدن سے زائد اثاثوں کی انکوائری کا آغاز کر سکتا ہے ۔

ترجمان نیب کا کہنا تھا کہ فرح خان کے شوہر احسن جمیل گجر 1997سے 1999 تک ضلع کونسل گوجرانولہ کے چئیرمین رہے، آئین کے مطابق سابق عہدے دار یا انکے اہلخانہ کیخلاف کرپشن و مالی بدعنوانی کی شکایات نیب کے دائرہ اختیار میں آتی ہے، نیب فرح خان کیس کی شفاف تحقیقات کرے گا۔

Comments

یہ بھی پڑھیں