معروف نوحہ خواں فرحان علی وارث پر قاتلانہ حملہ -
The news is by your side.

Advertisement

معروف نوحہ خواں فرحان علی وارث پر قاتلانہ حملہ

کراچی: تین ہٹی کے قریب معروف نوحہ خواں فرحان علی وارث کی گاڑی پر نامعلوم مسلح افراد نے فائرنگ کردی، پولیس گارڈ کی جوابی فائرنگ سے حملہ آور فرار ہوگئے۔

تفصیلات کے مطابق گزشتہ روز معروف قوال امجد صابری کی ٹارگٹ کلنک کے چند گھنٹے بعد ہی تین ہٹی کے قریب معروف نوحہ خواں فرحان علی وارث کی گاڑی پر نامعلوم مسلح افراد نے فائرنگ کردی لیکن پولیس گارڈ کی فائرنگ سے ملزمان فرار ہوگئے، فرحان علی وارث فائرنگ کے وقت گاڑی میں موجود نہیں تھے۔

نوحہ خواں فرحان علی وارث کا کہنا ہے کہ وہ خیریت سے ہیں اور حملے کے وقت وہ گاڑی میں موجود نہیں تھے، انکا کہنا تھا کہ اللہ کا شکر ہے خیریت سے ہوں، میرے ساتھی پولیس گارڈ کو انچولی چھوڑنے جارہے تھے کہ تین ہٹی کے مقام پر 3حملہ آوروں نے میری گاڑی گھیر لی تھی، پولیس گارڈ کی فائرنگ سے ملزمان فرارہوگئے تھے۔

مزید پڑھیں :معروف قوال امجد صابری قاتلانہ حملے میں جاں بحق

یاد رہے اس سے قبل دوپہر میں کراچی کے علاقے لیاقت آباد نمبردس میں موٹرسائیکل سوار دہشت گردوں نے امجد صابری کو ٹارگٹ کرکے قتل کردیا تھا، امجد صابری کو چھ گولیاں لگیں تھیں۔

Comments

comments

یہ بھی پڑھیں