اسلام آباد: چیئرمین پیپلزپارٹی بلاول بھٹو کا کہنا ہے کہ 3سالوں میں سلیکٹڈ حکومت نے ہماری پوری معیشت کونقصان پہنچایا، صورت حال یہ ہے کہ ہم گندم،چاول، چینی درآمد کررہے ہیں۔
تفصیلات کے مطابق کسانوں کےٹریکٹر ٹرالی مارچ پر اپنے ویڈیو پیغام میں چیئرمین پی پی پی نے اپنی توپوں کا رخ ایک بار پھر حکومت کی جانب کرتے ہوئے کہا کہ پی پی کال پر21جنوری سے لاڑکانہ ،ساہیوال سےاحتجاج شروع ہورہا ہے، ہم کسان بھائیوں کے شانہ بشانہ کھڑے ہو کر احتجاج کرینگے اور ارباب اقتدار کی توجہ کسانوں کے مسائل کی جانب مبذول کرائیں گے۔
بلاول بھٹو نے حکومت کو آڑے ہاتھوں لیتے ہوئے کہا کہ 3سالوں میں سلیکٹڈ حکومت نے ہماری پوری معیشت کو نقصان پہنچایا، پاکستان کی زرعی معیشت تباہ ہوچکی، خان صاحب کےدور حکومت میں کسانوں کو فصل کی قیمت نہیں مل رہی، زراعت ہماری معیشت کی ریڑھ کی ہڈی تھی، ہم گندم، چاول ،چینی ضروریات پوری کرنے کے بعد برآمد کرتےتھے آج درآمد کررہے ہیں۔
کسانوں کےٹریکٹر ٹرالی مارچ پر اپنے ویڈیو پیغام میں بلاول کا کہنا تھا کہ کسان ہمارا ساتھ دیں، ہم نالائق و نااہل حکومت کو ایکسپوز کریں گے،زرعی معیشت کو بچائیں گے اور عمران کو بھگائیں گے۔
PPP will be starting #KissanMarch from Larkana & Sahiwal division on the 21st January. IA we will then cover all divisional headquarters on 24th January. Join us. We believe Kissan khushal, Mulk Khushal. https://t.co/9xFbalsH2f
— BilawalBhuttoZardari (@BBhuttoZardari) January 20, 2022
