پنجاب حکومت کسانوں کواینڈرائیڈ فون فراہم کرے گی -
The news is by your side.

Advertisement

پنجاب حکومت کسانوں کواینڈرائیڈ فون فراہم کرے گی

لاہور: پنجاب حکومت چھ لاکھ چھوٹے کاشت کاروں کو اینڈرائیڈ فون دینے پر غور کررہی ہے تاکہ وہ موسم کی صورتحال اورمحکمہ زراعت کی پالیسیوں سے باخبر رہیں، یہ موبائل فون کسان پیکج کے تحت دیے جائیں گے۔

امکان ظاہر کیا جارہا ہے کہ پنجاب حکومت کسانوں کو چھ لاکھ موبائل فون مہیا کرنے کا اعلان آنے والے بجٹ میں کرے گی، اینڈرائڈ فون فراہم کرنے کا مقصد کسانوں کو یوٹیلیٹی اور آلاتِ زراعت کی قیمتوں سے آگاہ رکھنا ہے جس میں بیج اور کھاد کی قیمتیں میں شامل ہیں۔

farmer 1

کہا جارہا ہے کہ دیے جانے والے موبائل فونز میں ایک ایپ ہوگی جس کے ذریعے کسان جدید زرعی تکنیکیں اور کسانوں کے لیے پنجاب حکومت کی جانب سے روز مرہ کی بنیادوں پر جاری کردہ مراعات کے بارے میں معلومات حاصل کرسکتے ہیں۔

پنجاب حکومت کی اینڈرائیڈ فون فراہمی کے منصوبے میں اہلیت کے لیے کسان کے پاس ساڑھے بارہ ایکڑ زمین ہونا ضروری ہے۔ واضح رہے کہ حکومت نے کسان پیکج کے لیے 50 کروڑ روپے مختص کیے ہیں اور کسان چھوٹے کاشتکاروں کو موبائل فون کی فراہمی اسی پیکج کا ایک حصہ ہے۔

farmer 2

علاوہ ازیں، پنجاب حکومت چھوٹے کاشتکاروں کو بلا سود قرضوں کی فراہمی پربھی کام کررہی ہے۔ چیف سیکرٹری پنجاب کیپٹن (ر) زاہد سعید نے اے آروائی نیوز کو آگاہ کیا کہ وہ ایشیائی ترقیاتی بینک سے قرضوں کی فراہمی کے لیے بات چیت کررہے ہیں دریں اثنا بینک آف پنجاب اوردیگر بینکوں کو بلا سود قرضے دینے کے پروگرام میں شامل کیا جارہا ہے۔

انہوں نے دعویٰ کیا کہ کسانوں کو فراہم کیے جانے والے قرضےکا سود پنجاب حکومت ادا کرے گی۔

Comments

comments

یہ بھی پڑھیں