The news is by your side.

Advertisement

کسانوں کا پنجاب اسمبلی کے سامنے دھرنا، 1 کسان جاں بحق

لاہور: پنجاب اسمبلی کے سامنے پاکستان کسان اتحاد کے دھرنے میں ایک کسان حرکت قلب بند ہونے سے جاں بحق ہوگیا.

تفصیلات کے مطابق پاکستان کسان اتحاد کے کارکنوں کا اپنے مطالبات کے حق میں پنجاب اسمبلی کے باہر احتجاج جاری ہے،گذشتہ رات احتجاج کے دوران شدید گرمی سےدھرنے میں خانیوال سے تعلق رکھنے والا 70 سالہ سمیع اللہ حرکت قلب بند ہونے سے انتقال کرگیا.

یاد رہے اس سے قبل گذشتہ روز مشتعل کسانوں کی جانب سے آلو کی کھیپ کو آگ لگا کراحتجاج کیاگیا،اُن کا کہنا تھا کہ فصلوں کی کاشت مہنگی پڑتی ہے جبکہ منافع مڈل مین کمالیتا ہے۔

کسانوں نے مطالبہ کیا تھا کہ ہمارے ٹیوب ویل کے بجلی کے نرخ بھی کم کئے جائیں،حکومت بیرون ملک سے ان اشیاء کی درآمد کرواتی ہے جس سے کسانوں کا معاشی قتل کیا جارہا ہے.

کسان برداری کے دھرنے کو پرامن طریقے سے منتشر کرنے کے لیے سی سی پی او لاہور نے مذاکرات کی کوشش کی تھی تاہم کسان برداری نے ان سے مذاکرات مسترد کردیئے تھے.

واضح رہے کہ کسان برداری کا کہنا تھا کہ سی سی پی او ہمارے مسائل حل نہیں کر سکتے ،ہم وزیر اعظم سے مذاکرات کرنا چاہتے ہیں، ان کا کہنا تھاکہ ہمارے جائز مطالبات پورے کئے جائیں، ورنہ ہم انتہائی قدم اٹھانے پر مجبور ہوں گے۔

Comments

comments

یہ بھی پڑھیں