The news is by your side.

Advertisement

شتر مرغ کی افزائش نسل کو سندھ میں فارمنگ کا درجہ دینے کا نوٹیفکیشن جاری

کراچی: شتر مرغ کی افزائش نسل کو سندھ میں فارمنگ کا درجہ دینے کا نوٹیفکیشن جاری کر دیا گیا، اب سندھ میں شترمرغ فارمنگ کو وہ تمام سہولتیں حاصل ہوں گی جو پولٹری فارمنگ کو حاصل ہیں۔

اے آر وائی نیوز کے مطابق گزشتہ روز صوبائی وزیر لائیو اسٹاک عبدالباری پتافی نے ٹنڈوآدم میں سندھ کے پہلے شترمرغ بریڈنگ فارم کا افتتاح کیا، اس موقع پر سیکریٹری لائیو اسٹاک کی جانب سے شتر مرغ کو فارمنگ کا درجہ دینے کا نوٹیفکیشن بھی جاری کیا گیا۔

صوبائی وزیر لائیو اسٹاک کا کہنا تھا کہ حکومت شتر مرغ فارمنگ کو سندھ میں بھی فروغ دے گی اور اس سلسلے میں حائل تمام قانونی رکاوٹیں دور کی جائیں گی۔

صوبائی وزیر لائیو اسٹاک عبدالباری پتافی نے ٹنڈوآدم میں سندھ کے پہلے شترمرغ بریڈنگ فارم کا افتتاح کیا

دریں اثنا، فارمرز کی جانب سے سندھ حکومت کے اس اقدام کو سراہا گیا، آسٹرچ ایسوسی ایشن آف پاکستان کے صدر راجہ طاہر لطیف نے اے آر وائی نیوز سے گفتگو کرتے ہوئے کہا کہ امید ہے اب سندھ حکومت شترمرغ کے بریڈنگ فارمز کے قیام کی بھی حوصلہ افزائی کرے گی۔

سندھ کے شہر ٹنڈوآدم میں صوبے کا پہلا شترمرغ بریڈنگ فارم

ان کا کہنا تھا کہ ابتدائی طور پر دیگر صوبوں کی طرح اس فارمنگ میں سرمایہ کاری کے فروغ کے لیے فارمرز کو محدود مدت کے لیے سبسڈی بھی دی جائے، فوری طور پر عوامی سطح پر آگاہی مہم کا بھی آغاز کیا جائے تاکہ عوام کی دل چسپی کو دیکھتے ہوئے حکومت آنے والے بجٹ میں شتر مرغ فارمرز کی سپورٹ کے لیے کوئی مناسب رقم مختص کرے۔

آسٹرچ ایسوسی ایشن کے مطابق سندھ کی آب و ہوا شتر مرغ کی بریڈنگ کے لیے انتہائی موزوں ہے۔

fb-share-icon0
Tweet 20

Comments

comments

یہ بھی پڑھیں