نیب بل میں ترمیم کی لئے پی ٹی آئی اتحادیوں سے مشاورت کرے گی: فروغ نسیم
The news is by your side.

Advertisement

پی ٹی آئی نیب بل میں ترمیم کے لئے اتحادیوں سے مشاورت کرے گی: فروغ نسیم

اسلام آباد: وفاقی وزیر قانون بیرسٹرفروغ نسیم نے کہا ہے کہ نیب بل میں ترمیم کے لئے پی ٹی آئی اتحادیوں سے مشاورت کرے گی.

ان خیالات کا اظہار انھوں نے نیب قوانین میں اصلاحات سے متعلق اجلاس کے بعد میڈیا سے گفتگو کرتے ہوئے کیا.

فروغ نسیم کا کہنا تھا کہ آج اپوزیشن کے ساتھ ابتدائی مشاورت ہوئی، اپوزیشن نے نیب بل میں ترامیم کے لئے اپنے نکات پیش کئے.

وزیر قانون فروغ نسیم کا کہنا تھا کہ اپوزیشن جماعتوں کا مؤقف سمجھنے کی کوشش کی ہے، پی ٹی آئی اتحادیوں سے مشاورت کرے گی.

بیرسٹر فروغ نسیم نے کہا کہ حکومت مشاورت کے بعد دوبارہ اپوزیشن کے ساتھ بیٹھے گی، مسلم لیگ ن کےدورمیں مجوزہ بل زیر غور نہیں لایا گیا.


مزید پڑھیں: فلیگ شپ ریفرنس: نیب کے تفتیشی افسرکا بیان قلمبند کیا جا رہا ہے


وزیر قانون کا کہنا تھا کہ ماضی میں اپوزیشن نے بھی اس بل کو لانے پر زور نہیں دیا، بل کے نکات فی الحال سامنے لانا مناسب نہیں، حتمی فیصلہ ہونا باقی ہے.

یاد رہے کہ اس وقت مسلم لیگ ن اور پیپلزپارٹی کے کئی رہنماؤں کے خلاف نیب میں‌ کیسز جاری ہیں، جس پر اپوزیشن کی جانب سے حکومت اور نیب پر تنقید کا سلسلہ جاری ہے.

Comments

comments

یہ بھی پڑھیں