لاؤڈ اسپیکر ایکٹ: وسیم اختر اور فاروق ستار سمیت 12 افراد پر فرد جرم عائد farooq sattar
The news is by your side.

Advertisement

لاؤڈ اسپیکر ایکٹ: وسیم اختر اور فاروق ستار سمیت 12 افراد پر فرد جرم عائد

کراچی: عدالت نے میئر کراچی اور فاروق ستار سمیت 12 افراد پر لاؤڈ اسپیکر ایکٹ کی خلاف ورزی پر فرد جرم عائد کردی۔

تفصیلات کے مطابق جوڈیشل مجسٹریٹ شرقی کی عدالت میں فاروق ستار کے خلاف لاؤڈ اسپیکر ایکٹ کی خلاف ورزی کیس کی سماعت ہوئی، عدالت نے کیس میں فاروق ستار اور وسیم اختر سمیت 12 افراد پر فرد جرم عائد کردی۔

ملزمان نے صحت جرم سے انکار کردیا، صحت جرم سے انکار کے بعد عدالت نے آئندہ سماعت پر گواہان کو طلب کرلیا ہے، کیس کی سماعت 17 اکتوبر تک ملتوی کردی گئی ہے۔

مقدمے میں نامزد فاروق ستار اور میئر کراچی وسیم اختر ضمانت پر ہیں، ملزمان کے خلاف تھانہ سولجر بازار اور نیو ٹاؤن میں مقدمات درج ہیں، مقدمے میں نامزد ایم کیو ایم پاکستان کے کنوینر خالد مقبول صدیقی، حیدر عباس رضوی کو اشتہاری قرا دیا جاچکا ہے۔

ایم کیو ایم رہنماؤں پر الزام ہے کہ انہوں نے 2015 میں پولیس کی اجازت کے بغیر ریلی نکالی اور جلسے کے دوران لاؤڈ اسپیکر ایکٹ کی خلاف ورزی کی تھی، ملزمان کے خلاف تھانہ سولجر بازار اور نیو ٹاؤن میں 2015 میں مقدمہ درج ہوا تھا۔

Comments

comments

یہ بھی پڑھیں