The news is by your side.

Advertisement

فاروق ستار نے اراکین پارلیمنٹ سے استعفے لکھوالیے

کراچی : سربراہ ایم کیوایم پاکستان فاروق ستار نے ڈپٹی میئر ارشد وہرہ کی پاک سرزمین پارٹی میں شمولیت کے بعد اراکین قومی و صوبائی اسمبلی اور سینیٹ ممبران سے استعفے لکھوا لیے ہیں.

تفصیلات کے مطابق ایم کیوایم پاکستان کے سربراہ فاروق ستار نے بدلتی صورت حال اور ڈپٹی میئر ارشد وہرہ کی پاک سرزمین پارٹی میں شمولیت سے پیدا ہونے والے دباؤ سے نمٹنے کے لیے اراکین پارلیمنٹ سے استعفے طلب کر لیے ہیں.

ذرائع کا کہنا ہے کہ فاروق ستار نے اراکین قومی و صوبائی اسمبلی اور سینیٹرز سے استعفے طلب کر لیے ہیں جس کے بعد تمام اراکین پارلیمنٹ نے استعفے لکھ کر فاروق ستار کے پاس جمع کرا دیئے ہیں.

 اسی سے متعلق : ڈپٹی میئر کراچی ارشد وہرہ کی پی ایس پی میں شمولیت

ذرائع کا مزید کہنا تھا کہ اس حوالے سے ایم کیوایم پاکستان کی رابطہ کمیٹی کا اہم اجلاس کل دوپہر کو طلب کر لیا گیا ہے جہاں اراکین پارلیمنٹ کے مستعفی ہونے پرغور کیا جائے گا اور اس پچیدہ سیاسی صورت حال سے نبرد آزما ہونے کے لیے آئندہ کی حکمت عملی کا اعلان بھی کیا جائے گا.

 یہ بھی پڑھیں : ارشد وہرہ کا ایم کیو ایم پاکستان سے پی ایس پی تک کا سفر

ذرائع کا یہ بھی کہنا ہے کہ فاروق ستار نے چند روز قبل دھمکی تھی کہ اگر اب کسی رکن پارلیمنٹ کی وفاداری تبدیل کروائی گئی تو ایم کیو ایم پاکستان ایک ساتھ قومی ، صوبائی ، سینیٹ اور بلدیہ عظمی سے مستعفیٰ ہوجائے گی.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں