The news is by your side.

Advertisement

چیئرمین سینیٹ معاملہ، بلاول بھٹو زرداری نے جو بویا وہی کاٹا، فاروق ستار

کراچی: ایم کیو ایم پاکستان کے سابق رہنما فاروق ستار نے کہا ہے کہ چیئرمین سینیٹ کے خلاف تحریک عدم اعتماد کے معاملے پر بلاول بھٹو زرداری نے جو بویا تھا وہی کاٹا ہے۔

تفصیلات کے مطابق ایم کیو ایم پاکستان کے سابق کنوینر ڈاکٹر فاروق ستار نے بلاول بھٹو پر تنقید کرتے ہوئے کہا کہ جیسی کرنی ویسی بھرنی ہے، گزشتہ سال ہارس ٹریڈنگ کی ابتدا پیپلزپارٹی نے کی تھی۔

انہوں نے کہا کہ کل اپوزیشن کے سینیٹرز کا ضمیر جاگ گیا تو اس میں چیخنے کی بات نہیں ہے۔

فاروق ستار کے مطابق گزشتہ برس پیپلزپارٹی نے بھی ایم کیو ایم کے سینیٹرز کے بارے میں یہی کہا تھا، ہارس ٹریڈنگ کی وجہ سے ایم کیو ایم کے چار سینیٹرز کے بجائے ایک جیتا تھا۔

مزید پڑھیں: عمران خان، صادق سنجرانی ملاقات، وزیر اعظم کی چیئرمین سینیٹ کو مبارک باد

انہوں نے کہا کہ ماضی میں ہمارے لوگوں کی وفاداریاں خریدی گئی تھیں اب بلاول بھٹو زرداری سیخ پا ہورہے تھے۔

خیال رہے کہ کل سینیٹ میں اپوزیشن کی جانب سے چیئرمین سینیٹ صادق سنجرانی کے خلاف تحریک عدم اعتماد پیش کی گئی تھی.

اپوزیشن کی اکثریت کے باوجود تحریک عدم اعتماد ناکام رہی، تحریک کے حق میں فقط 50 ووٹ آئے، جس کے بعد تحریک کو رد کر دیا گیا.

یاد رہے کہ حکومت کی جانب سے ڈپٹی چیئرمین سینیٹ کے خلاف پیش کردہ تحریک کو بھی ناکامی کا سامنا کرنا پڑا تھا، اس مرحلے پر اپوزیشن جماعتوں‌ کے سینیٹرز نے ووٹ کاسٹ نہیں کیا تھا۔

Comments

comments

یہ بھی پڑھیں