The news is by your side.

Advertisement

کراچی اورسندھ کےعوام ایم کیو ایم کے حق میں فیصلہ کریں گے،فاروق ستار

کراچی : ایم کیو ایم پاکستان کے سربراہ فاروق ستار کا کہنا تھا کہ دعاہےخیریت سےدن گزرجائے، کراچی اورسندھ کےعوام ایم کیو ایم کے حق میں فیصلہ کریں گے۔

تفصیلات کے مطابق سربراہ ایم کیو ایم پاکستان فاروق ستار نے اہلیہ کے ہمراہ نیشنل اسکول پی آئی بی کالونی میں اپنا ووٹ کاسٹ کیا۔

ووٹ کاسٹ کرنے کے بعد فاروق ستار نے میڈیا سے گفتگو کرتے ہوئے کہا کہ ملک بھرمیں پولنگ جاری ہے، دعا ہے خیریت سے دن گزر جائے، پہلے بھی عوام نے اعتماد کیا، اب بھی کامیاب کرائیں گے۔

فاروق ستار کا کہنا تھا کہ ووٹرزگھروں سےنکلے توکسی کو دھاندلی کا موقع نہیں ملے گا، کراچی اورسندھ کےعوام ایم کیو ایم کے حق میں فیصلہ کریں گے، کامیاب ہوکرعوام کے مسائل مستقل بنیادوں پرحل کریں گے۔

ایم کیو ایم پاکستان سربراہ نے کہا کہ حوصلے کیساتھ حالات اور حالات کے جبرسے مقابلہ کیا، عوام نے ہمارے خلاف پروپیگنڈا مسترد کر دیا، کوٹہ سسٹم ختم کریں گے۔


مزید پڑھیں :  عام انتخابات 2018 کے لیے پولنگ کا عمل شروع


ان کا مزید کہنا تھا کہ مردم شماری سےکچھ فرق پڑےگا،تمام رواتی سیٹیں لیں گے، ووٹ کسے دیا یہ سیکریٹ بات ہے، آپ لوگوں کو کیوں بتاؤں؟

واضح رہے کہ پاکستان کے گیارہویں عام انتخابات کے لیے ملک بھر میں پولنگ کا عمل کا آغاز ہوچکا ہے، جو بلا تعطل 6 بجے تک جاری رہے گا، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں