The news is by your side.

Advertisement

تجاوزات کے خلاف آپریشن، متاثرین کو حق نہ ملا تو احتجاج کریں‌ گے، فاروق ستار

کراچی: ایم کیو ایم پاکستان کے ناراض رہنما ڈاکٹر فاروق ستار نے کہا ہے کہ ظلم کی انتہا ہے متاثرین کی مدد کی جارہی ہے نہ متبادل جگہ کی فراہمی کی گئی، حق نہ ملا تو اگلے ہفتے ہم سب ایم اے جناح پر احتجاج کریں گے۔

تفصیلات کے مطابق ایم کیو ایم پاکستان کے رہنما ڈاکٹر فاروق ستار نے مطالبہ کیا ہے کہ متاثرین کو شاپنگ مال بنا کر دیا جائے، مالکانہ حقوق دئیے جائیں، وسیم اختر اختیارات کا رونا روتے ہیں، توڑ پھوڑ کا ٹھیکہ کیسے مل گیا۔

فاروق ستار نے کہا کہ لکھے ہوئے احکامات کچھ اور ہیں عمل کچھ اور کیا جارہا ہے، وسیم اختر جھوٹ بولتے ہیں سچے ہیں تو اصل حقائق بتائیں۔

انہوں نے کہا کہ کے کے ایف کی جائیداد فروخت کرنے کے چکر میں ہے، ہم کے کے ایف کی جائیدادیں کسی صورت فروخت نہیں ہونے دیں گے۔

مزید پڑھیں: کیا سیکیورٹی صرف پیپلزپارٹی کے وزرا اور لیڈروں کے لیے ہے، فاروق ستار کا سوال

ایم کیو ایم پاکستان کے رہنما نے کہا کہ علی رضا عابدی قتل کے بعد وفاق و صوبائی حکومت نے مگرمچھ کے آنسو بہائے، سیاسی رہنماؤں کو اب تک کوئی سیکیورٹی فراہم نہیں کی گئی۔

ڈاکٹر فاروق ستار نے کہا کہ اب ایسا کوئی سانحہ رونما ہوا تو وزیراعظم عمران خان، صوبائی، وفاقی وزیر داخلہ کے خلاف مقدمہ درج ہونا چاہئے۔

واضح رہے کہ چند روز قبل فاروق ستار کا کہنا تھا کہ سیاست دانوں کو بھیڑ بکری سمجھ رکھا ہے، سیکیورٹی کیوں نہیں دیتے کیا سیکیورٹی صرف پیپلزپارٹی کے وزراء اور لیڈروں کے لیے ہے۔

Comments

comments

یہ بھی پڑھیں