The news is by your side.

Advertisement

پاکستان زندہ باد کے نعرے کے باوجودہم سے یہ سلوک ہورہا ہے ، فاروق ستار

کراچی : ایم کیو ایم پاکستان کے سربراہ فاروق ستار کا کہنا ہے کہ ہمیں دیوار سے لگانے کی کوشش کی جارہی ہے، چھاپےاورگرفتاریوں کاسلسلہ پھرتیزہوگیا ہے ، پاکستان زندہ باد کے نعرے کے باوجودہم سے یہ سلوک ہورہا ہے،عدالت میں ہلڑبازی اورتشدد سے آئین اور عدالت کی توہین ہے۔

تفصیلات کے مطابق ایم کیو ایم پاکستان کے سربراہ فاروق ستار نے میڈیا سے گفتگو کرتے ہوئے کہا کہ چھاپوں اور گرفتاری کا سلسلہ تیز ہوگیا ہے ، کارکنوں پروفاداری تبدیل کرنے لیے دباؤ ڈالاجارہا ہے ، سہیل قریشی رہاہوئےتوپی ایس پی کےساتھ پریس کانفرنس کی، ہم نےجوجگہ بنائی تھی کوشش کی جارہی ہے، اسے واپس لیا جائے۔

فاروق ستار کا کہنا تھا کہ امید ہے عدالتوں سے کیسز منطقی انجام تک پہنچیں گے ، عدالت میں ہلڑبازی اورتشددسےآئین اورعدالت کی توہین ہے، عدالت میں تشدد اورہلڑبازی کی مذمت کرتےہیں، سمجھنا چاہیے ایسا کرنے سے ہم پارلیمنٹ کو بھی بے وقار بنائیں گے۔

انھوں نے مزید کہا کہ ایساکرنااداروں میں تصادم کا تاثر دیتا ہے، مخالفت کرنی چاہیے، عدالت میں ہلڑبازی جمہوریت اورسیاسی عمل کےلیےاچھی نہیں۔


مزید پڑھیں :  پیپلزپارٹی ایم کیوایم کیخلاف سازش کررہی ہے، ڈاکٹرفاروق ستار


سربراہ ایم کیو ایم پاکستان کا کہنا تھا کہ بہادرآبادکےعلاوہ سیکڑوں دفاترہمیں واپس نہیں کیےگئے، انسان اورانسانیت کے تقاضے پامال ہورہےہیں، پاکستان زندہ باد کے نعرے کے باوجودہم سے یہ سلوک ہورہا ہے، آج رابطہ کمیٹی کے رکن شاہد بھائی کو گرفتار کیا گیا۔

یاد رہے اس سے قبل ڈاکٹر فاروق ستار نے کا کہنا تھا  ایم کیو ایم پاکستان کےرہنماؤں کو سیکیورٹی نہ دینا پیپلزپارٹی کی سازش ہے، اس کی کراچی کی نشستوں پررال ٹپک رہی ہے۔ ہم لوہے کےچنے ثابت ہوں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں