The news is by your side.

Advertisement

وفاداری تبدیل کرنے کے لیے سخت دباؤ ہے، مگر پتنگ کو کٹنے نہیں‌ دوں‌ گا: فاروق ستار

ایم کیو ایم پاکستان کے رہنما فاروق ستار نے کہا ہے کہ ان کے ایم این اے اور ایم پی ایز پر وفاداریاں تبدیل کرنے کے لیے سخت دباؤ ہے.

تفصیلات کے مطابق فاروق ستار کا کہنا ہے کہ پتنگ کو نہ تو کٹنے دیں‌ گے، نہ یہی کسی کو اسے چھیننے دیں گے، جو ایم این اے اور ایم پی ایز پارٹی چھوڑ گئے، ان پر دباؤ تھا.

انھوں نے الزام عائد کیا کہ وفاداریاں تبدیل کرنے کے لئے ارکان پر دباؤ ڈالا جارہا ہے، ایم کیو ایم کو مائنس کرنے کی سازش ہورہی ہے، وقت کا دباؤ اور کچھ محرکات ہیں، جن کی تفصیل جلد بتائوں گا.

انھوں نے کہا کہ بہادرآباد بڑی توقع لےکر گیا، مگر مجھے مایوسی ہوئی، معاملات کو خوش اسلوبی کے ساتھ حل کرنا چاہتا ہوں، خالد مقبول اور مجھے مل کر مسائل حل کرنے ہوں گے.

انھوں نے کہا کہ رابطہ کمیٹی کے اجلاس میں کئی اہم امور پر مشاورت ہوئی ہے، اہم ترین چیلینج یہ ہے کہ اگلے الیکشن میں پارٹی کو کیسے لے کر جانا ہے، پارٹی میں اقتدار کا جھگڑا نہیں، بہادرآباد والوں سے رابطوں کا سلسلہ جاری رہے گا۔

بہادرآباد بڑی توقع لےکر گیا تھا، مگر مجھے مایوسی ہوئی، معاملات کو خوش اسلوبی کے ساتھ حل کرنا چاہتا ہوں، خالد مقبول اور مجھے مل مسائل کو حل کرنے ہوں گے

ڈاکٹر فاروق ستار

انھوں نے کہا کہ پارٹی کا بحران حل کرنے کی کوشش کر رہے ہیں، بہاد آباد والے میرے بغیر پارٹی چلا سکتے ہیں، تو بتا دیں۔

فاروق ستار کا کہنا تھا کہ 11 اپریل کو ہائیکورٹ میں سماعت ہوگی، نہیں چاہتا کہ عدالت میں مقدمہ طول پکڑے اور اورتاریخوں پرتاریخیں ملیں.

انھوں نے کہا کہ بحران کو ختم کرنے کے لیے میں نے ایک حل نکالا ہے، میری رابطہ کمیٹی نے اختیار دیا ہے کہ میں اسے تحلیل کردوں، بہادر آباد والے اپنی رابطہ کمیٹی تحلیل کر دیں.

انھوں نے کہا کہ میرا وعدہ ہے کہ ایک ماہ میں جوخلا پیدا ہوا ہے، اسے بہت جلد ختم کر دیں گے، اگر معاملات کو نمٹا دیں، توعدالت کی ضرورت نہیں پڑے گی، خواہش اور اپیل ہے کہ مسئلے کو حل کریں، اب ثالث بھی تھک گئے ہیں.

فاروق ستار کے مطابق مدعا یہ ہے کہ الیکشن کے لئے پارٹی کو کس طرح چلانا ہے، اس کے لیے مجھ پر اور خالد مقبول پر معاملے کوچھوڑ دیں، دونوں رابطہ کمیٹیاں 2018 کے الیکشن تک تحلیل رہیں گی، اب مشاورتی کونسل بنا کر تنظیم کو آگے کی جانب بڑھایا جائے۔


پارٹی نے تنظیمی بحران کا حل نکال لیا، جلد اعلان کروں گا، فاروق ستار


ایم کیو ایم چھوڑ کر جانے والے شبیر قائم خانی کو منانے فاروق ستار گھر پہنچ گئے


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں