یوم آزادی سے متعلق مولانا فضل الرحمان والا بیان ہم دیتے تو را کا ایجنٹ بنا دیا جاتا ،فاروق ستار
The news is by your side.

Advertisement

یوم آزادی سے متعلق مولانا فضل الرحمان والا بیان ہم دیتے تو را کا ایجنٹ بنا دیا جاتا ،فاروق ستار

کراچی : ایم کیو ایم پاکستان کے رہنما فاروق ستار نے کہا کہ مولانا فضل الرحمان خوش قسمت آدمی ہیں، یوم آزادی سے متعلق مولانا فضل الرحمان والا بیان ہم میں سے کوئی دیتا تو فوراً را کا ایجنٹ بنا دیا جاتا۔

تفصیلات کے مطابق ایم کیو ایم پاکستان رہنما فاروق ستار نے میڈیا سے گفتگو کرتے ہوئے کہا کہ کل میری انڈو اسکوپی ہوئی، لوگوں سے دعا کی اپیل ہے، اسمبلیوں میں حلف برداری ہونےجارہی رہے، تقریب حلف برداری سیاسی عمل کا حصہ ہے۔

ڈاکٹر فاروق ستار کا کہنا تھا کہ سندھ کے لوگوں کے لئے آسانیاں پیدا کرنے کے لئے کوشاں رہیں گے، صوبائی اسمبلی میں اچھی اپوزیشن بنائیں گے، ایم کیوایم کے کہنے پر کسی ریٹرننگ افسر نے کوئی حلقہ نہیں کھولا۔

رہنما ایم کیو ایم پاکستان نے کہا کہ پیپلزپارٹی سے اچھی ورکنگ ریلیشن شپ قائم کرنا چاہتے ہیں، دیہی سندھ میں منتخب نمائندوں کیخلاف تحقیقات نہیں ہوتیں، پیپلزپارٹی کو کرپشن کے خلاف تحقیقات میں کچھ نہیں کہا گیا، 180 سے زائد میگا کرپشن کیسز تیار ہیں پر ہو کچھ نہیں رہا۔

ان کا کہنا تھا کہ دیہی سندھ کےعوام نے پی پی کو ووٹ دیا،ان کی اہمیت اپنی جگہ ہے، دیکھتے ہیں کہ پیپلزپارٹی اب سندھ کس طرح چلاتی ہے، کراچی کے مسائل آ سمان سے باتیں کر رہے ہیں، پیپلزپارٹی دھاندلی پربات کرےگی تو ساتھ کھڑے ہوں گے۔

فاروق ستار نے کہا کہ مولانا فضل الرحمان خوش قسمت آدمی ہیں، فضل الرحمان نے14اگست کیلئےبیان دیا،کسی نےراایجنٹ نہیں کہا، اگر ہم میں سے کوئی ایسا بیان دیتا تو فوراً را کا ایجنٹ بنا دیا جاتا۔

ان کا کہنا تھا کہ ملک سے ناانصافی کے خاتمے کے لئے جدوجہد کریں گے۔

Comments

comments

یہ بھی پڑھیں