The news is by your side.

Advertisement

پانی کے بحران پر کراچی میں فسادات ہوسکتے ہیں، چیف جسٹس کچھ کریں:‌ فاروق ستار

کراچی: ایم کیو ایم پاکستان پی آئی بی کے سربراہ فاروق ستار نے خدشہ ظاہر کیا ہے کہ کہیں پانی کے مسئلے پر شہرمیں فسادات نہ ہوجائیں.

فاروق ستار کا کہنا تھا کہ فسادات ہوئے تو قوم پرست اورایم کیو ایم پرسارا الزام ڈال دیا جائے گا، فسادات شروع ہوئے، تو روکنا مشکل ہوجائے گا.

مسلم لیگ ن اپنے رویے کی وجہ سے مزید تنہائی کا شکار ہو جائے گی

فاروق ستار

انھوں نے کہا کہ چیف جسٹس ہی کچھ کریں، شہر یوں کو ریلیف دلائیں، ہماری امیدیں اب بھی سپریم کورٹ سے وابستہ ہیں، شاید اب سپریم کورٹ ہی پانی کی فراہمی بہتر بنا سکے، ورنہ اور کوئی امید نہیں، اپوزیشن جماعتیں اب کس کے در پر دستک دیں.

انھوں نے کہا کہ حکومت کی بے حسی کا جواب ہم کیوں دیں، کراچی کے پیاسوں کو کسی طرح روزانہ پانی اور بجلی فراہم کی جائے، یہ اہم مسئلہ ہے.

فاروق ستار نے بجلی اور پانی کے بحران کے خلاف کل پریس کلب کے سامنے احتجاج کا اعلان کیا ہے۔

فاروق ستار کا کہنا ہے کہ  اگر بہتری نہیں آئی، تو وزیراعلیٰ ہاؤس کے باہراحتجاج کریں گے، کےا لیکٹرک اور ایس ایس جی سی دفاترکے باہربھی احتجاج کریں۔

ایک سوال کے جواب میں‌ انھوں نے کہا کہ بہادر آباد والوں سے بات چیت جاری ہے، مذاکرات میں ثالث بھی اپنا کردار ادا کر رہے ہیں.

انھوں نے حکومتی جماعت پر کڑی تنقید کرتے ہوئے کہا کہ مسلم لیگ ن اپنے رویے کی وجہ سے مزید تنہائی کا شکار ہو جائے گی، گورنرہاؤس میں ہم سے جو ملاقات ہوئی، وہ صرف خانہ پری تھی، گورنرہاؤس پہنچتے ہی ہمیں بتا دیا گیا تھا کہ آپ کے پاس صرف 15 منٹ ہیں.

نگران وزیر اعظم کے لیے ایم کیو ایم کے چار نام کون سے ہیں؟

دوسری طرف نگراں حکومت سے متعلق فاروق ستارکی زیرصدارت ایم کیو ایم بہادر آباد کا اجلاس ہوا، جس میں‌ چار نام فائنل کے گئے ہیں.

ایم کیو ایم کی طرف سے جسٹس (ر) تصدق حسین جیلانی، عشرت حسین، ڈاکٹرعبدالحفیظ پاشا اورعبدالرزاق داؤد کا نام سامنے آیا ہے.

ایم کیوایم پی آئی بی نے مشاورت کے بعد نام فائنل کیے، جس کے بعد ڈاکٹر فاروق ستار نے اپوزیشن لیڈر خورشید شاہ سے رابطہ کیا اور چاروں ناموں سے انھیں‌ مطلع کر دیا ہے.

فاروق ستار نے اپنے بیان میں‌ کہا کہ آج باضابطہ وزیراعظم اور خورشید شاہ کو خط کے ذریعے آگاہ کروں گا، چاروں نام ایمان دار اور اچھی شہرت کے حامل افراد کے دیے ہیں.


امید ہے مصطفیٰ کمال بھی ایم کیو ایم میں شمولیت اختیار کر لیں گے: فاروق ستار


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں