The news is by your side.

Advertisement

صرف ایم کیو ایم وہ واحد جماعت ہے جس کا نام پانام لیکس میں نہیں آیا، فاروق ستار

کراچی: ایم کیو ایم کے سینئر ڈپٹی کنوینر ڈاکٹر فاروق ستار کاکہنا ہے کہ ایک طرف کارکنوں کو قتل کرنے دوسری طرف کارکنوں کی گرفتاریاں، اور تیسری جانب محب وطن پاکستانیوں کو ملک دشمن ثابت کرنے کی کوشش کی جارہی ہے۔

نارتھ ناظم آباد ریزیڈینس کمیٹی کے زیر اہتمام تقریب سے خطاب کرتے ہوئے فاروق ستار نے کہا کہ آج حکومت اور اپوزیشن کرپشن کے دلدل میں دھنسی ہوئی ہے ، صرف ایم کیو ایم وہ واحد جماعت ہے جس کا نام پانام لیکس میں نہیں آیا۔

فاروق ستار نے کہا کہ جس نے ایم کیو ایم کو چھوڑا ، عوام نے بھی اس کو ہمیشہ کیلئے چھوڑ دیا، ایم کیو ایم والوں کا مسکن ہمیشہ سے نائن زیرو رہے گا ہم خیابان سحر جانے والوں میں سے نہیں۔

اس موقع پر نامزد میئر وسیم اختر کاکہنا تھا کہ اب تجربات کرنا چھوڑ دیناچاہیے ، کچھ لوگ خیابان سحر میں غلط جگہ پیسے خرچ کررہے ہیں، ایم کیو ایم میں مائنس فارمولا کبھی کامیاب نہیں ہوگا۔

وسیم اختر نے کہا کہ کراچی والوں کا کوئی والی وارث نہیں ہے ، پیپلزپارٹی نے کبھی ایم کیو ایم کا مینڈیٹ تسلیم نہیں کیا، آٹھ سال سے پیپلزپارٹی کی حکومت ہے لیکن کراچی کا کوئی پرسان حال نہیں ہے۔

انہوں نے کہا کہ کراچی کو پانی کیلئے ترسایا جارہا ہے ، اگر پانی پر فسادات ہوئے تو اس کی ذمہ دار ایم کیو ایم نہیں ہوگی۔

Comments

comments

یہ بھی پڑھیں