The news is by your side.

Advertisement

شہری علاقوں کے مینڈیٹ کو تقسیم کرنے کی کوشش ہورہی ہے، فاروق ستار

کراچی: ایم کیو ایم پاکستان کے سربراہ فاروق ستار نے کہا ہے کہ ایسا معاشرہ ترتیب دینا چاہتے ہیں جہاں سب کو حقوق ملیں تاہم شہری علاقوں کے مینڈیٹ کو تقسیم کرنے کی کوشش ہورہی ہے۔

ان خیالات کا اظہار انہوں نے میڈیا سے گفتگو کرتے ہوئے کیا، فاروق ستار نے کہا کہ مردم شماری میں کراچی کی آبادی کو کم دکھایا گیا، بہت سے لوگ ناراض ہیں میں بھی ناراض ہوں، اب ناراضی ختم ہوجانی چاہئے۔

فاروق ستار نے کہا کہ ہمارے حصے ہوجائیں مگر ووٹ بینک کے نہیں ہونے چاہئیں، لوگوں کو اپننے پیروں پر کھڑا کرنا ہے، لوگ سوال کررہے ہیں، فاروق ستار کو رابطہ کمیٹی سے کیوں نکالا، لوگوں کو ان کے سوالوں کا جواب نہیں مل رہا ہے۔

رشید گوڈیل کی تحریک انصاف میں شمولیت کے حوالے سے فاروق ستار نے کہا کہ رشید گوڈیل کے فیصلے کا احترام کرتے ہیں، کسی جماعت میں جانا رشید گوڈیل کا حق ہے۔

انہوں نے کہا کہ الیکشن فارم کی اسکروٹنی کے لیے ایک ہفتہ دیا گیا ہے جو بہت کم ہے، امیدوار قوم کا معمار ہیں اسکروٹنی کے لیے مزید وقت دیا جائے۔

مزید پڑھیں: خالدمقبول صدیقی جھوٹ بولیں لیکن حد رکھیں، فاروق ستار

فاروق ستار کا کہنا تھا کہ قبل ازانتخابات دھاندلی کی نشاندہی کی ہے ،مسئلہ بہادر آباد والوں کی طرف سے ہے، میری طرف سے یکجا ہونے میں کوئی کسر نہیں ہے، پارٹی کی تقسیم کا تاثر نہیں دینا چاہتا، میری پوری کوشش ہےہم پھرایک ہوجائیں۔

ان کا کہنا تھا کہ انتخابات 2018کےشیڈول کا اعلان ہوگیا ہے، کارکنان سے کہا ہے چاہیں توکاغذات نامزدگی جمع کرائیں، میرے اپنے حلقےمیں ایک سیٹ کم کردی گئی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں