The news is by your side.

Advertisement

پولنگ اسٹیشن تبدیل کرکے دھاندلی کی گئی، فاروق ستار

کراچی : ایم کیو ایم پاکستان سربراہ ڈاکٹر فاروق ستار نے دھاندلی کا الزام لگاتے ہوئے کہا این اے 245 غوثیہ اسکول کے 4 ہزارسے زائد ووٹ منتقل ہوئے، اچانک پولنگ اسٹیشن تبدیل کرنے سے ووٹ ضائع ہونے کا خدشہ ہے۔

تفصیلات کے مطابق ایم کیو ایم پاکستان سربراہ   ہوئے کہا کہ پولنگ اسٹیشن تبدیل کرکے دھاندلی کی گئی، ووٹرز کس طرح 2 کلومیٹر چل کر ووٹ کاسٹ کریں گے۔

فاروق ستار کا کہنا تھا کہ اچانک پولنگ اسٹیشن تبدیل کرنے سے ووٹ ضائع ہونے کا خدشہ ہے، این اے 245 غوثیہ اسکول کے 4 ہزار سے زائد ووٹ منتقل ہوئے، ووٹوں کو اچانک پی آئی بی اسکول میں منتقل کردیا گیا۔

سربراہ ایم کیو ایم پاکستان نے مطالبہ کیا کہ انتخابی عمل کی رفتارسُست ہے،پولنگ کا وقت بڑھایا جائے، پولنگ اسٹیشن تبدیل ہونے کے باعث ابتک پولنگ شروع نہ ہوسکی۔

اس سے قبل فاروق ستار کا ووٹ کاسٹ کرنے کے بعد کہنا تھا کہ ایم کیوایم اپنی تمام روایتی سیٹیں جیتے گی، امید کرتے ہیں آج کا دن خیریت سے گزرے گا۔

فاروق ستار کا کہنا تھا کہ ووٹرزگھروں سےنکلے توکسی کو دھاندلی کا موقع نہیں ملے گا، کراچی اورسندھ کےعوام ایم کیو ایم کے حق میں فیصلہ کریں گے، کامیاب ہوکرعوام کے مسائل مستقل بنیادوں پرحل کریں گے۔


مزید پڑھیں :  عام انتخابات 2018 کے لیے پولنگ کا عمل شروع


واضح رہے کہ پاکستان کے گیارہویں عام انتخابات کے لیے ملک بھر میں پولنگ کا عمل کا آغاز ہوچکا ہے، جو بلا تعطل 6 بجے تک جاری رہے گا، 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں