بلی شیر کو سب کچھ سیکھا دیتی ہے لیکن درخت پر چڑھنا نہیں سیکھاتی، فاروق ستار
The news is by your side.

Advertisement

بلی شیر کو سب کچھ سیکھا دیتی ہے لیکن درخت پر چڑھنا نہیں سیکھاتی، فاروق ستار

کراچی: متحدہ قومی موومنٹ (پاکستان) کے سربراہ فاروق ستار نے کہا ہے کہ جس نے کبھی آئین کھول کر نہیں دیکھا وہ بھی اب آئین پڑھ رہا ہے، بلی شیر کو سب کچھ سیکھا دیتی ہے لیکن درخت پر چڑھنا نہیں سیکھاتی۔

ان خیالات کا اظہار انہوں نے میڈیا سے بات چیت کرتے ہوئے کیا، فاروق ستار کا کہنا تھا کہ آئین وہ ہے جس سے ہم عزت سے کام کرنے کا طریقہ نکالیں، سربراہ نے جس دن آئین کھول دیا تو سب کو اسٹاپ ہونا پڑے گا۔

ثالثی کی کوشش ناکام، فاروق ستار کا بہادر آباد والوں کو حقیقی ٹو بنانے کا مشورہ

ان کا مزید کہنا تھا کہ پیپلز پارٹی والے خوش ہیں کہ ایم کیو ایم حصوں میں بٹ رہی ہے، بہادر آباد والے اور ہم ایک ہی ٹیم ہیں الگ نہیں کرنا چاہتے، ایسا نہیں ہوسکتا کہ ہم ووٹروں کو پیسوں سے خرید لیں۔

خیال رہے ان دنوں ایم کیو ایم کے درمیاں کامران ٹیسوری کو سینیٹ ٹکٹ دینے کے معاملے پر باہمی اختلافات جاری ہیں لیکن حصوں میں منقسم جماعت (بہادر آباد اور پی آئی بی) دوری ختم کرنے کے لیے اقدامات کر رہی ہے۔

ایم کیوایم انٹراپارٹی الیکشن میں فاروق ستارکنوینرمنتخب

علاوہ ازیں ایم کیو ایم پی آئی بی کا تین رکنی وفد بہادر آباد رابطہ کمیٹی سے ملاقات کے لیے بہادر آباد پہنچ چکا ہے جس کا مقصد پارٹی میں دھڑے ختم کرکے ایک ہونا ہے۔

دونوں وفود کے درمیان اس وقت ملاقات جاری ہے، پی آئی بی کے تین رکنی وفد میں کامران ٹیسوری، خواجہ سہیل منصور اور عبدالوسیم شامل ہیں جبکہ بہادر آباد کی طرف سے عامر خان، کنور نوید، امین الحق اور فیصل سبزواری ملاقات میں شریک ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں