The news is by your side.

امید ہے مصطفیٰ کمال بھی ایم کیو ایم میں شمولیت اختیار کر لیں گے: فاروق ستار

کراچی: متحدہ قومی مومنٹ پاکستان کے سربراہ فاروق ستار نے کہا ہے کہ مصطفیٰ کمال جنہیں اپنے ساتھ لے جارہے ہیں وہ واپس آجائیں گے، مجھے امید ہے مصطفیٰ کمال خود بھی ایم کیو ایم میں شمولیت اختیار کر لیں گے۔

ان خیالات کا اظہار انہوں نے میڈیا سے گفتگو کرتے ہوئے کیا، فاروق ستار کا کہنا تھا کہ ہماری پارٹی سے نکل کر لوگوں نے دیگر جماعتوں میں شمولیت اختیار کی لیکن ہم نے چھوڑ کر جانے والوں کو کبھی یہ نہیں کہا کہ وہ کچرا ہیں۔

سربراہ ایم کیو ایم کا کہنا تھا کہ اچھا ہوتا کہ ناراض ہونے والے ذمہ داران ورہنما خاموش بیٹھ جاتے، ایم کیو ایم کے خلاف ماضی میں بھی بڑی سازشیں ہوئیں، ہماری پارٹی کو ختم کرنے کا منصوبہ ہمیشہ کے لیے ناکام بنا دیں گے، ہمارا ووٹ بینک عقل و شعور رکھتا ہے ان میں سیاسی سمجھ بوجھ ہے۔

فاروق ستار کے لیے پی ایس پی کے دروازے ہمیشہ کے لیے بند، مصطفیٰ کمال کا اعلان

خیال رہے کہ گذشتہ دنوں سربراہ ایم کیو ایم فاروق ستار نے کہا تھا کہ اراکین کو دھمکیاں دے کر وفاداریاں تبدیل کرائی جارہی ہیں، میں مر جاؤں گا لیکن پی ایس پی یا کسی اور جماعت میں نہیں جاؤں گا، میرا جینا مرنا ایم کیو ایم کے ساتھ ہے۔

مجھےبانی ایم کیوایم نہیں بننا اورنہ ہی مجھےممنون حسین بننا ہے‘ فاروق ستار

فاروق ستار کے بیان کے رد عمل میں سربراہ پاک سرزمین پارٹی مصطفیٰ کا کہنا تھا کہ فاروق ستار پر اللہ کی مار ہے اسی لیے ان کی سیاست دفن ہوچکی ہے، اور ان پر پی ایس پی کے دروازے بھی ہمیشہ ہمیشہ کے لیے بند ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں