The news is by your side.

Advertisement

دوبارہ گنتی، فاروق ستار نے الیکشن کمیشن میں درخواست دائر کردی

کراچی: ایم کیو ایم پاکستان کے رہنما ڈاکٹر فاروق ستار نے حلقہ این اے 245 اور 247 میں دوبارہ گنتی کے لیے الیکشن کمیشن میں درخواست دائر کردی۔

تفصیلات کے مطابق ڈاکٹر فاروق ستار نے چیف الیکشن کمشنر کراچی کے دفتر میں دونوں حلقوں کی دوبارہ گنتی کے حوالے سے درخواست دائر کروائی جس میں انہوں نے مؤقف اختیار کیا کہ ’چیف پولنگ ایجنٹ اور پولنگ ایجنٹس کو فارم 45 نہیں دیا گیا اور گنتی کے وقت دونوں کو باہر نکالا گیا‘۔

میڈیا سے گفتگو کرتے ہوئے ڈاکٹر فاروق ستار کا کہنا تھا کہ صاف و شفاف الیکشن الیکشن کمیشن کی آئینی ذمےداری ہے، چیف الیکشن کمشنرسرکاری نتائج دوبارہ گنتی تک روک دیں کیونکہ ہمارے تحفظات ہیں۔

واضح رہے کہ ڈاکٹر فاروق ستار نے قومی اسمبلی کے حلقے این اے 245 سے پی ٹی آئی رہنما ڈاکٹر عامر لیاقت جبکہ این اے 247 سے تحریک انصاف کے امیدوار ڈاکٹر عارف علوی کے خلاف الیکشن لڑا تھا۔ دونوں ہی نشستوں پر ڈاکٹر فاروق ستار کو شکست کا سامنا کرنا پڑا۔

واضح رہے کہ تحریک انصاف نے کراچی سے قومی اسمبلی کی 12 نشستیں اپنے نام کیں جس کے بعد پی ٹی آئی شہر کی واحد بڑی نمائندہ جماعت کے طور پر ابھر کر سامنے آئی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں