The news is by your side.

Advertisement

ڈاکٹرفاروق ستار کا سہ روزہ تبلیغی دورے پہ جانے کا ارادہ

کراچی: ایم کیو ایم پاکستان کے سربراہ فاروق ستار نے جنید جمشید کی نمازِ جنازہ کے موقع پر تبلیغ پر جانے کا اعلان کر دیا۔

تفصیلات کے مطابق ایم کیو ایم پاکستان کے سربراہ فاروق ستار نے سہ روزہ تبلیغی دورے پر جانے کے ارادے کا اظہار جنید جمشید کے جنازے میں مولانا طارق جمیل سے ملاقات کے دوران کیا۔

ذرائع کے مطابق جنید جمشید کی نماز جنازہ کے موقع پر معین خان اکیڈمی گراﺅنڈ میں فاروق ستار کی مولانا طارق جمیل کے ساتھ ملاقات ہوئی اور دورانِ گفتگو مولانا طارق جمیل نے فاروق ستار کو تبلیغ پر جانے کی پیش کش کی جسے فاروق ستار نے خوش دلی کے ساتھ فوری طور پر قبول کرلیا۔

اس موقع پر ایم کیو ایم کے سربراہ نے کہا کہ وہ جنید جمشید کے مشن کو آگے بڑھانے کے لیے تیار ہیں اور 3 روز کے لیے تبلیغی اجتماع میں جائیں گے۔

واضح رہے کہ حویلیاں کے مقام پر پی آئی اے کے طیارے کو حادثہ پیش آنے کے باعث معروف شخصیت جنید جمشید سمیت 47 افراد لقمہ اجل بن گئے تھے جس کے بعد جنید جمشید کی میت کو شناخت کے بعد آج کراچی میں دارالعلوم کورنگی میں سپردِ خاک کیا گیا۔

Print Friendly, PDF & Email

Comments

comments

یہ بھی پڑھیں