ڈپٹی مئیر کراچی ارشد وہرہ کو نا اہل قرار دیا جائے، فاروق ستار کا الیکشن کمیشن کو خط
The news is by your side.

Advertisement

ڈپٹی مئیر کراچی ارشد وہرہ کو نا اہل قرار دیا جائے، فاروق ستار کا الیکشن کمیشن کو خط

کراچی : ایم کیو ایم پاکستان کے سربراہ نے ڈپٹی مئیر کراچی ارشد وہرہ کو نا اہل قرار دینے کیلئے الیکشن کمیشن کو خط لکھ دیا۔

تفصیلات کے مطابق ایم کیو ایم پاکستان کے سربراہ فاروق ستار نے الیکشن کمیشن کو خط لکھ دیا ، جس میں کہا گیا ہے کہ ڈپٹی مئیر کراچی ارشد وہرہ کو نا اہل قرار دیا جائے، خط کی کاپی اے آر وائی نیوز نے حاصل کر لی۔

خط کے متن کے مطابق فاروق ستار نے الیکشن کمیشن سے مطالبہ کیا ہے کہ الیکشن کمیشن جلد بلدیاتی ایکٹ کے مطابق پارٹی بدلنے اور استعفی نہ دینے پر کارروائی کرے۔

خط میں کہا گیا ہے کہ ڈپٹی میئر کا پارٹی تبدیل کرنا الیکشن کمیشن کے قوانین کی خلاف ورزی ہے، بلدیاتی انتخابات جماعتی بنیادوں پر ہوئے۔ قانون کے مطابق پارٹی چھوڑنے پر شخص عہدہ رکھنے کا اہل نہیں۔

دوسری جانب فاروق ستار سے ملاقات میں سلیم حیدرنے کہا ہے کہ صوبے کی تحریک میں ایم آئی ٹی فاروق ستار کے ساتھ ہیں۔


مزید پڑھیں : ڈپٹی میئر کراچی ارشد وہرہ کی پی ایس پی میں شمولیت


یاد رہے کہ گذشتہ ماہ ایم کیو ایم پاکستان کے سابق رہنما اور ڈپٹی میئر کراچی ارشدہ وہرہ نے پاک سرزمین پارٹی میں شمولیت کا اعلان کیا تھا اور کہا تھا کہ ہم شہریوں کے لیے جو کرسکتے تھے وہ سب کچھ نہیں کیا جس کے لیے میں عوام سے معافی مانگتا ہوں، محدود اختیارات اور وسائل کے ساتھ بھی کام کیا جاسکتا تھا۔

بعد ازاں پاک سرزمین پارٹی کے سربراہ مصطفیٰ کمال کا کہنا تھا کہ ارشد وہرہ استعفیٰ نہیں دیں گے، ہم سے اتنے لوگ رابطے کررہے ہیں کہ قانونی طور پر اپنا میئر لاسکتے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں